منتجات مفيدة بعد الولادة و تساعد على التشافي من الولادة الطبيعية
اهلين مدري إذا في لسى متابعين في المدونة قررت بإذن الله ارجع للتدوين و إذا كنتوا لسى تتابعوني شكراً لوجودكم حصلت تغيرات كثير في حياتي و أول تدوينة للعودة للمدونة مرة غير عن محتوايا السابق و اكبر تغيير سار لي في حياتي اني سرت ام و لله الحمد الشكر اني جربت هذا الشعور 💗.
بعد الولادة شاركت في السوشيال ميديا المنتجات الي استخدمتها فترة الاربعين (النفاس) الي ساعدتني على التشافي بعد الولادة و من وقتها قررت اكتب تدوينة اشرح عن المنتجات بالتفصيل لأني اشوفها افضل مكان لوصول المعلومة من السوشيال ميديا بس مع البيبي الجديد و لخبطة الروتين ما لقيت وقت مناسب إلا الآن بعد سنتين تقريبا من ولدت 😅.
بسم الله نبدأ اول حاجة بالأساس الي هي منتجات ساعدتني في التشافي بعد الولادة (ولادة طبيعية) :
أنا ما عندي خبرة مرة في هذي الأمور و أول ولادة لي فكل الي جربته اجتهاد شخصي و بحث فترة الحمل و الحمدلله تعبي ما راح على الفاضي و استفدت من كل المنتجات و ما ندمت عليها.
أول شي سويته اخترت اني اخذ كل شي من أمازون سويت لي اشتراك امازون برايم عندهم شهر تجريبي مجاناً استغليته و طلبت كل الأشياء الي احتاجها لي و للبيبي و توصلني بسرعة لأني برايم + الأشياء الي من برا شحنها مجاني حتى الي من هنا كل شي برايم مجاناً التوصيل حرفياً مرة فادني حتى اغراض العناية اخدتها منهم.
هذا رابط الاشتراك للي حابة تسوي نفسي
مجموعة اساسيات التعافي بعد الولادة فريدا موم | Frida Mom Postpartum Recovery Essentials Kit
تستاهل كل ريال يندفع لها الحمدلله مرة ما ندمت اني اخذتها بعد ما طلعت من المستشفى ما احتجت مسكنات تنعد بالاصابع المرات الي اخذتها اكتفيت بالمنتجات حق فريدا موم لتخفيف الالم و كان خفيف الحمدلله
الكيت عبارة عن بادز (فوط) زي الكمادات الباردة +مناديل فيها بندق الساحرة (witch hazel) باردة و تخفف الالم + رغوة علاجية برضو ببندق الساحرة + ملابس داخلية للاستخدام الواحد
الفوط و اللبس الداخلي بس ٤ حبات
اذا حشتري منتج لوحده حاخذ البانتي و المناديل صراحة حتى الرغوة حلوة الشي الوحيد الي ممكن ما استخدمه البادز هي مرة مفيدة و تخفف الالم كثير بس نفسياً ما ارتحت لها ما كانت تخليني اقدر اجلس براحتي و يجيني احساس الي ممكن تنفجر فجأة 😅.
كل منتج ينباع لحاله بس صراحة المجموعة أوفر لك بكثير من انك تاخذي كل شي لحاله.
في مناديل معروفة اكثير الي هي حق تاكس tucks
من أمازون (هنا).
أو من ايهيرب (هنا) شوفي وين أرخص وخذيها👍🏼.
كمان الفوط الصحية المبردة نفس الفكرة من لانسينوه نفس كمادات الصدر بس على شكل بادز تستخدم كذا مرة و معاها زي الكيس للاستخدام مرة وحدة كمان موجودة في أمازون هنا
و كمان عندهم بخاخ نفس فكرة الرغوة و المناديل هنا
فوط صحية و غيرها
كريمات و مراهم
بالنسبة للمراهم الدكتورة كتبتها و دايماً افضل تستخدمي باستشارة الدكتورة بس راح احط لكم المرهم المطهر لأنه مرة عجبني و فعلاً مفيد الباقي هي أنواع و دكتورتك راح تكتب لك الي يناسبك.
اسمه Avomeb ointment و هو كمان عشان الآثار كنت اسويه مرتين في اليوم.
زيادة معاهم كمان مطهر بيبانثين او ملح أو ممكن. اثنينهم انا اخترت استخدم الملح المطهر اكتفيت بمنتجات فريدا موم و اخذت هذا النوع من دكتور تيلز بس ما استخدمته من اول ما ولدت بعد الولادة بشهر تقريباً بديت استخدمه بعد ما رحت موعد المراجعة و قالت لي الدكتورة
منتجات تخص الرضاعة
اخر شي الرضاعة في البداية تكون صعبة و مؤلمة فتحتاجي عناية و اهتمام في البداية ، اكثر حاجة فادتني و ساعدتني كثير و الي ناوية ترضع طبيعي انصحها تاخذها
كمادات الصدر جد هي اكثر شي دائما اقول الحمدلله اني اخذتها.
انا اخذت هذا السيت
مرة عجبني و يعتبر اوفر من لو كل وحدة لحال الكريم صح انه صغير بس استخدمته كثير ما خلص بسرعة لانه تحتاجي نتفه بس برضوا مرة انصح اللي ترضع طبيعي بالكريم مو شرط نفس النوع هذا بس مرة راح يفيدك بالذات اول الايام لانك مو متعودة ع الرضاعة
بس هذي القطعة ما استخدمتها
الي حابة تاخذ المجموعة
و في الي تبغاها لحالهاالكمادات
كريم الحلمة حق لانسينو ميزته كمان إنه ينفع ترضعي و انتي حاطته
في كريم نفس الفكرة من بالمرز ما جربته
انتهى
0 التعليقات