About Lola's

السلام عليكم و رحمة الله و بركاته يا مساء / صباح الخير  من أول ما سويت مدونة الين اليوم و أنا أحاول قد ما أقدر أطور في مدونتي و طريقة تدويني بالنسبة للمدونة لمى اكتب في قوقل اي شي يخص المدونة للأسف ما يطلع اذا كتبت بالعربي لازم بالانجليزي لانو مافي مدونات عربية أو منتديات تشرح دا الشي ممكن بس الاقي كيف اسوي مدونة فقط لاغير للأسف في أشياء كثير ما تتوفر بالعربي مدري هل هو بخل أو طمع ما يبغو احد يستفيد او مافيهم او ايش مدري ما حطول في النقطة دي اكثر من كذا لاني اذا تحلطمت ما حسكت هههههههههه فقررت اني ابدأ سلسلة تدوين عن المدونة يعني امممممم مثلاً كيف احط قالب مجاني و اعدل في الي ابغاه أو كيف اسوي التقسيمات حق الصفحات الي تجي في فوق توهقت في اسمها هههههههههههه أو كيف أحط ايقونات برامج التواصل الإجتماعي و أشياء كثير و كل ما تعلمت شي جديد و ضبط معاي ان شاء الله راح اقولكم عنه  ❤ ، صراحة مدري ايش اسمي هالسلسلة بس شكلو تدوين يعني اذا كان اسم بطال مشو حالكم اهم شي الفايدة هههههههههه صح ولا أنا غلطانة ؟ ❤ .