موضوع التدوينة واضح من العنوان 🏃🏻♀️ إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،
في يوم من الأيام تقريباً زي هذا الوقت فترة الحجر في رجب أو شعبان شهر مارس و أنا اتصفح اليوتيوب طلع لي هذا المقطع 👇🏻.
شفته و نمت و ثاني يوم تحمست و شفت كم مقطع نتائج تمارين Chloe Ting بعد ما شفتها تحمست مرة اجرب تحدي الاسبوعين حقها و بدأته و من بعدها سرت مرة احب تمارينها 😍 راح اشاركم روتيني في التمارين و كيف سويتها و تجربتي لها و النتائج بس قبل في شي مهم ...
الي تقرأ التدوينة ما اعرف ايش هدفها من التمارين بس لازم تحطي انه طبيعة كل شخص مختلفة عن الآخر حتى الأخوات ممكن جسمك يحرق أكثر أو أقل من غيرك و شكل الجسم يفرق في القياس و خير الأمور أوسطها لا تشدي مرة و ترهقي جسمك و تحركي في الحركة بركة.
زي ما قلت نتائج التمارين مرة حمستني لتجربته و قبله كنت يائسة من التمارين بسبب انه لمى اتمرن ما اقدر استمر مدة طويلة بسبب الم الظهر حدي اسبوعين و لمى شفت انه التحدي اسبوعين قلت اجرب مو خسرانة شي كلوي تنزل برامج تمارين مختلفة مجاناً في موقعها كل برنامج في تمارين مختلفة و كاتبة كل برنامج مركز على ايش و حاطة المدة و ايام للراحة بس أنا لهذا كله في البداية كنت اسوي تمرين لمدة اسبوعين كاملة بدون راحة يوم 😅
موقع Chloe Ting .
التمارين الي كنت أسويها
للأسف اني ما كنت اسجل تجربتي أول بأول بس راح اكتب الي افتكره طبعاً انا اعتبر مبتدئة ماني مرة مع التمارين افضل المشي
أول يوم في البداية أول مرة شفتها مرة صعبة في حركات كثير ما عرفت اسوئها و البلاك كأنه عقاب
ثاني يوم قررت اجلس الفيديو كم مرة قبل لا أبدأ عشان اعرف الحركات برضو كانت صعبة بالنسبة و في بعضها ما أقدر اكملها في الوقت اوقف قبل .
ثالث يوم بديت شوية اتعود ع التمارين و اعادة المقطع خفت.
رابع يوم قررت اقابل مراية عشان اشوف كيف ظهري و عشان اضبط الحركات اكثر.
خامس يوم و سادس يوم البلاك سار لعبتي و سرت up & down blank.
سابع يوم اتقنت الحركات اكثر يدي و اصابع شوية سارت من الضغط و بطني بدأت تنشد و عرفت فعلا اتقنت التمارين .
ثامن يوم سرت احط مخدة تحت ظهري اريح.
باقي الأيام عدت عادي كل مرة احسه اسهل و نسيت اول الايام كمان طبعاً كنت احس افخاذ مقطعة ايموجي خصوصاً وقت الصلاة 😭💔
كمان ممكن في اليوم الرابع دخلت تمارين اطالة عشان يخف الالم راح احطها لكم
قبل التمارين
بعد التمارين
النتائج
قبل التمارين ما كنت اكتب وزني فما اعرف اذا فرق او لا و لان التمارين تركيزها
الخصر: ٦٣.٨ سم
اسفل البطن: ٧٦ سم
تاسع يوم
الخصر:٦٢ سم
اسفل البطن: ٧٥ سم
اخر يوم
الخصر:٦١ سم
اسفل البطن: ٧٣.٨ سم
مرة كنت مبسوطة بالنتيجة و البطن سار فيها eleven shape . مرة انبسطت بالنتيجة .
بعد فترة في اغسطس حبيت اعيد التمرين بس امشي على كل البرنامج الي مسويته كلوي 2 week shred مع تمارين السترتشينق
صراحة لمى جربت اسوي كل التمارين حسيتها فوق طاقتي مرة تعبت سويتها اول اسبوع بس الثاني رجعت لروتيني القديم
للأسف ما سجلت القياسات بس الوزن نقصت كيلو تقريباً
هدفي من التمارين انو يكون عندي لياقة و التزم فيها قد ما اقدر عشان نفسي و صحتي في المستقبل ان شاء الله.
لمى اوقفها اسوي تمارين غيرها أو امشي احاول اقل شي ما يعدي اسبوع الا و اقلها مشيت كم يوم فيه حتى لو نص ساعة
الأكل أحاول قد ما أقدر التزم بأكل صحي و طبيعي، و حالياً موقفة التحدي و افكر اجرب تحدي جديد من البرامج الي منزلتها كلوي.
قبل كم يوم شفت فيديو عجبني حبيت اختم التدوينة فيه.
تدوينة مقترحة:
كيف نحفت ٦ كيلو في أقل من ٣ شهور
تابعيني على شبكات التواصل الاجتماعي :
كنتي تصلحين نفس الفديو كل يوم ولا ماشيه على اللي فالمدونه لانها حاطه ثلاث مقاطع؟
ردحذفنفس التمارين الي موجودة في المدونة تمارين اطالة بعدين حق كلوي بعدها اطالة
حذفكل الايام فيها تقريبا اربع فيديوهات هل انا اعمل كل الفيديوهات ولا واحد بس
ردحذفبراحتك انا ما مشيت على جدولها
حذف