مساء الخير
تدوينة اليوم تابعة لتدوينة سابقة و هي اصنعي غلاف لهايلايت الإنستجرام الخاص بك بطريقة سهلة جداً ✨
ذكرت فيها إني اعتبر إضافة غلاف الهايلايت مهم جداً لحسابات المدونات و المؤثرين و كمان حسابات البزنس لأنه يعطي شكل أرتب لحسابك 👩🏻🏫 و يفتح نفس الشخص الي يتصفحه و يجذبه للحساب و كمان يعطيه فكرة على محتواك و غيرها
اليوم ان شاء الله راح اقولكم من فين تجيبوا صور (ايقونات) عشان تستخدموها.
شخصياً أفضل يكون رسومات توضح ايش راح يكون فيه شوفوا هنا مرة عجبتني فكرة الصور لكل مدينة غلاف بمنظر منها🤩
و الثانية كمان كل صورة تمثل محتوى الهايلايت
و اخر وحدة فكرة غير لكل واحد رسم مختلف
هنا الطرق المعتادة : كتابة، رموز، او لون يناسب الثيم أو تحبيه.
حسابات الي اخذت من عندهم الهايلايتس ✨
@doutzen
@milkbubbleteablog
@queenofjelags
@st.ivesarabia
ثانياً لون الخلفية كمان يعتمد على ذوقك ممكن كلهم نفس اللون ممكن تكون كل وحدة لون و ممكن تكون خلفية لون سادة أو لا
طريقة اختيار اللون كمان تعتمد عليك مثلاً تكون لون تحبيه أو لون يناسب الفيد حقك أو إذا الحساب حق بزنس تكون الالوان على لون اللوجو يطلع مرة حلو 👍🏼
ثالثاً فين أسويها و كيف 🤔
زي ما شرحت لكم هنا
من تطبيقات في الجوال زي
-كانفا canva و picsart
و عن طريق الفوتوشوب و غيرها برامج كثيرة
تقدري تركبي الرمز في الخلفية من خلالها أو تكتبي الكلمة.
رابعاً موضوعنا الأساسي إذا ابغى رموز من فين أجيبها؟
في أماكن كثيرة أولها و أهمها جوجل 👩🏽💻 راح اقولكم طريقة تسهل عليكم البحث
تروحوا قوقل الصور و لتسهيل البحث نروح لأدوات.
ثاني مكان طبعاً كانڤا تلاقي فيه رموز في مجاناً و غير مجانية لمى تسجلي من هذا الرابط الي حاطته تقدري تستخدمي رمز شكل غير مجاني مجاناً 😍، و إذا ماتبغي تسوي تصميم من البداية في تصاميم جاهزة عندهم و تقدري تغيري الألوان بكيفك.
و بكذا تكوني وصلت لنهاية التدوينة اتمنى تفيدك و شكراً لقرائتك.
حلوو أنا معتمدة على كانفا كثير بالتضاميم بالذات اذا حسيت اني احتاج إلهام.. أحاول قد ما أقدر اني اسوي تصاميم خاصة فيني بس حبيت انك جبتي مصادر مختلفة ومتنوعة 😍👌🏼
ردحذفيعطيك العافية ❤❤