مساء / صباح الجمال ✨
تدوينة اليوم باختيار أصدقاء الانستقرام و هي ريڤيو أو تجربتي لمنتجات عناية
المنتجات الي اخترت اتكلم عنها هي منتجات Your good skin من بوتس لي فترة طويلة من استخدمتها اكثر من ٦ شهور أشياء حبيتها و أشياء لا راح اكتب لكم رأي حسب أكثر شي حبيته إلى الأقل تفضيل، بس قبل راح أعرفكم شوية عن البراند
YOUR GOOD SKIN
هي براند بريطانية 🇬🇧 من انتاج بوتس تعتبر من الدرق ستور ( منتجات الصيدلية) من مميزاتها إنها براند الرانج حقها سعره متوسط إلى رخيص و جودتها عالية و تعتبر طبية تتميز منتجاتهم بعدة مكونات تساعد على تكثيف أو تحفيز التوازن في البشرة هدف البراند هو إنه منتجاتهم تساعد بشرتك على التوازن و عندهم تنوع كبير في المنتجات و تعتمد منتجاتهم على مضادات الأكسدة الي موجودة في الشاي الأخضر و فيتامين c و. حبيت مرة إنه دراساتهم و أبحاثهم عشان المنتاجت كلها تعتمد على تجارب نساء من المجتمع بأعمار مختلفة و مشاكل بشرة مختلفة عشان يطلعوا منتج يناسب الكل، ٣ مكونات رئيسية موجودة في كل منتجاتهم الي جربتها الشاي الأخضر🍃، فيتامين C 🍊، بيسابولول.
تجربتي:
جربت 4 منتجات من يور جود سكن و تحمست لها مرة لأنها تناسب جميع أنواع البشرة أول منتج و أفضلهم تكلمت عنه في تدوينة خاصة
(اضغطي على العنوان عشان تشوفي التدوينة)
2-مقشر Energizing Facial Scrub
في كثير خبراء بشرة ما ينصحوا باستخدمه المقشر الفيزيائي شخصياً احب استخدمه و مهم عندي مرة في الاسبوع بس أهم حبيبات التقشير تكون ناعمة، المقشر خفيف و لطيف لمى استخدمه احس فعلاً بشرتي تنظفت و تتنفس و تسير ناعمة حبيبات التقشير الي فيه تفوز مرة ناعمة و خفية و مو كثير مرة كأنه غسول كريمي الحبيبات ما عرفت ايش نوع حبيبات التقشير بس إنها جداً لطيفة و صغيرة كأنها حبات رمل للي تحب المقشرات أنصحها تجربه حيعجبها💖.
3-ماسك Purifying Treatment Mask
بداية استخدامي كانت بشرتي شوية تعبانة و جافة جداً و فيها قشور لمى استخدمته حرقني و ما قدرت اخليه بعد فترة رجعت استخدمه كانت بشرتي تحسنت و حبيته تقريباً نتيجته تشبه ماسك الفحم من اوريجنز و أنا مرة أحب ماسك الفحم هذا ذكرني فيه كثير بس الفرق انه هذا فيه شي يعطيني شعور الانتعاش 🧖🏼♀️ و لمى احطه احطه احس بشوية دغدغة خفيفة و بعد فترة حرارة حبيت انه خالي من العطور و الباربين اظن كل منتجاتهم خالية منهم و يقولوا انه يناسب البشرة الحساسة مكتوب تخليه 5 دقايق بس انا اخليه الين ما ينشف لمى ينحط ع الوجه الطبقة تكون خفيفة و غسله شوية يطفش ينصحوا باستخدامه مرتين في الاسبوع بس أنا احب استخدمه مرة بس أو إذا طلعت لي حبة مرتين بعد الاستخدام تحسي البشرة سارت ناعمة و تتنفس و فعلاً مع الاستمرار حسيت إنه ينظف البشرة و ما يجففها.
4- الغسول Refreshing Face Wash
الغسول هو أقل منتج حبيته تنظيفه حلو بس بحكم طبيعة بشرتي العادية مائلة للجفاف ما يناسبني حسيته على بشرتي و جففها فعطيته أختي بشرتها عكسي دهنية و فيها حب شباب ناسبها و حبته.
المقشر و الغسول ريحتهم جداً مشابهة لريحة المنتجات الطبية زي غسول سيتافيل و كريم بوتس حق الجسم مافيها عطور.
عارفيين ايش كمان حلو في هذي البراند انها وقت تخفيضات بوتس تكون مرة رخيصة أنا لمى اشتريتها كان كل شي ب ١٠ ريال 🤩👍🏼.
شكراً لقرائتك تدوينتي و ان شاء الله تفيدك 💖
تعليقات
إرسال تعليق