مساء / صباح الجمال
اليوم راح اكتب لكم على روتيني الحالي لي8 شهور تقريباً مستمرة عليه وقفت شهرين و رجعت له
هو روتين جداً بسيط و ينفع تقريباً لكل أنواع البشرة
ايش الي خلاني اسوي هذا الروتين ؟
في كذا سبب أول شي عشان اجرب منتجات جديدة ثاني شي مع تغيرات الجو و نظام الأكل و غيرهم البشرة تتأثر.
روتيني الجديد:
كالعادة عندي مبدأ كل ما كانت المنتجات أقل كانت النتيجة أفضل، قبل ما ابدأ روتيني كنت موقفة عناية فترة كانت طلعتي شوية حبوب و بشرتي كانت تعبانة و طبعاً مسامي سارت واضحة و رؤوس سوداء و كانها شوية بدأت بشرتي تسير مختلطة قررت استخدم:
1- غسول دايركتا لاب بروتوكول بي.
2- ريتانول.
3- ماسك بروتوكول 203.
و منتجات من أول استخدمها فترات مع الروتين هي
1- تونر المرة :
استخدمته فترة قبل لا أبدأ استخدم الريتانول و حالياً رجعت له مرة او مرتين في اليوم أحاول تكون يومياً.
2- سيروم الملتي فايتمن من دايركتا لاب:
استخدمه من ٢٠١٨ كنت استخدمه كمان قبل لا استخدم الريتانول بعدين وقفته عشان ابغى اشوف نتيجة الريتانول لحالها.
3- كريم ليلي بروتوكول سليب كمان من ٢٠١٨ استخدمه اسويه حالياً ما اسويه يومياً حسب اذا بشرتي جافة استخدمه يومياً اذا عادية يوم بعد يوم او حتى اكثر.
السيروم و الكريم الليلي تكلمت عنهم قبل هنا
نجي دحين للمنتجات الأساسية و الجديدة :
1- غسول دايركتا لاب بكروتوكول بي:
مستحيل نتكلم عن روتين عناية للوجه بدون ما نذكر الغسول المنظف اخترت هذا لأنه
لطيف على البشرة مو قوي
مناسب للبشرة الحساسة
كل منتجات Directalab الي جربتها عجبتني
الغسول خالي من السيلكون و SLS, SLS, PEG و اللانولين ، فيه الأشياء الي احبها في كل غسولاتي المفضلة ما ينشف البشرة و يعطيني احساس النظافة و البشرة الي تتنفس براحتها اكثر شي لاحظته انه يرطب البشرة و حتى لمى قرات عنه كانو مركيز على انه يرطب البشرة و يوازنها حلو لكل انواع البشرة، بالنسبة اذا يخلي الحبوب ما اقدر احكم لانه الحبوب الي فيني ما كانت حب شباب+ كنت استخدم ريتانول و ماسك يفيدوني من هذي الناحية بس الي تدور غسول لطيف و ما ينشف البشرة و يعيد توازنها تجربه.
اخذته من هنا
2- ريتانول :
أول مرة اجرب الريتانول و اخترت اجربه على سيروم شخصياً احب السيرومات لأن البشرة تمتصها بسرعة، ما اعرف اذا اي نوع ريتانول نفس النتيجة او لا ممكن يفرقون حسب نوع التركيبة لأنه أنواع او اذا معاه شي مخلوط،بالنسبة للي استخدمته من grounded body مرة عجبني كيف لطيف على البشرة و تمتصه بسرعة و يخلي البشرة ناعمة ممكن لانه معاه هايلورنك كنت متخوفة لاني في البداية كنت استخدمه يومياً بس الحمدلله ما سارت نتيجة عكسية ما اذكر كم بالضبط استمريت عليه يوميا ممكن ٣ أسابيع أو اقل بعدها سرت احطه ٣ مرات في اسبوع طبعاً في الليل قبل النوم .
كم يحتاج عشان اشوف نتيجة صراحة ما اذكر بس اظن خلال شهر تحسي فرق مرة ايش شفت منه نضارة و تحسي الوجه مرتوي.
صراحة ما اعرف اذا يشحن موقعهم لأي مكان بس للي حابة هنا
هل النتيجة منه وحده او مع الغسول الله اعلم غالباً النتيجة مكس الريتانول يسوي تقشير لطبقات البشرة ف يخلي الآثار تروح و يجدد خلايا البشرة و الغسول ينظف الطبقة الأولى منها و يعتمد على تركبيته ايش تسفيدي منه كمان و الماسك الي اخترته يسوي تنظيف عميق للبشرة في نفس الوقت يرطبها.
في فترات اسوي مقشر فيزيائي للبشرة إذا حسيت اني احتاج.
3- ماسك بروتوكول 203:
الماسك عبارة عن طين الأمازون، طين = تنظيف عميق
حمض الأزيليك = تقشير و إزالة الدهون الزائدة من البشرة
خلاصة الارقطيون = نبات مضاد للبكتيريا و ينقي البشرة
مكونات مغذية + فيتامين هـ
من المكونات واضح لكم انه ممتاز للي عندهم حبوب بالنسبة لي بما انه بشرتي فترات تسير جافة مرة عجبني انه مرة ما ينشف البشرة و اختى بشرتها مختلطة مايلة للدهنية خليتها تجربه و مرة عجبها
لاني استخدمه بس لهدف تنظيف عميق للبشرة استخدمه مرة في الاسبوع أو كل اسبوعين حسب، حلو كمان قبل المناسبات لأنه يعطي اشرقة للبشرة و ينظف المسام.
موجود هنا
في النهاية الحمدلله توفقت في كل المنتجات الي جربتها و كلهم اكيد راح ارجع اجربهم بس بعد ما اجرب اشياء غير.
تدوينات مقترحة:
تعليقات
إرسال تعليق