About Lola's

مساء الخير  تدوينة اليوم تابعة لتدوينة سابقة و هي اصنعي غلاف لهايلايت الإنستجرام الخاص بك بطريقة سهلة جداً ✨  ذكرت فيها إني اعتبر إضافة غلاف الهايلايت مهم جداً لحسابات المدونات و المؤثرين و كمان حسابات البزنس لأنه يعطي شكل أرتب لحسابك 👩🏻‍🏫 و يفتح نفس الشخص الي يتصفحه و يجذبه للحساب و كمان يعطيه فكرة على محتواك و غيرها  اليوم ان شاء الله راح اقولكم من فين تجيبوا صور (ايقونات) عشان تستخدموها.

صباح / مساء نداء للمدونات 🙋🏽‍♀️ هل مر عليكم يوم  نفسكم تكتبوا تدوينة بس مو قادرين مافي أفكار 🤯 ؟ و تحاولوا تسوا عصف ذهني بس مخكم معلق مافي خلاص 😂 اوكي لا تاخفي ترا هذا طبيعي يسير للكل مو بس انتي 👭 و أول وحدة يسير لها كذا أنا🙆🏽‍♀️ أحياناً يوم بس و أحياناً شهر شهرين ثلاثة نفسي أنزل تدوينة بس مافي أفكار يعني زي ما انتوا عارفين الإبداع الزائد يسوي كذا 😌 الي يمروا هذي الفترة بسبات في الأفكار بإذن الله هذي التدوينة حتكون المنقذ لكم و لي وقت ما الأفكار تخلص و نحتاج ندون 👩🏽‍💻 هذي ١٠٠ موضوع حاولت إنها تكون منوعة عشان تفيد الكل 💕.

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .

يسعد صباحكم / مسائكم أينما كنتم كمدونة ضروري أحتاج برنامج لتعديل الصور سواء إضاءة الصورة أو حدتها أو حابة أكتب كلام عليها أو اسوي كولاج اجمع كم صورة مع بعض و أشياء غيرهم  و من أشهر برامج تعديل الصور هو الفوتشوب بس مشكلته غالي و حرام تشتريه إذا انتي ما تستخدميه كثير بس مجرد أشياء بسيطة في تدوينة اليوم راح أحط لكم مواقع مجانية لتعديل الصور و كمان برامج تحمليها في جهازك .

مساء / صباح الخير من الأشياء الي أعاني منها لمى اكتب تدوينة   👩🏽‍💻 ،  عنوان الموضوع الي كتبته و الصورة بالذات لمى يكون الموضوع فضفة و كدا  كلام من القلب إلى القلب  💞 و حركات  جد مرا اتوهق ايش احط العنوان و ايش الصورة  😅 اتوقع اكيد في مدونات زيي صح ؟ لازم يكون فيه  🙄

مساء / صباح الأجواء الأجواء الجميلة  تدوينة اليوم  فجأة خطر على بالي أكتبها حسيت نفسي أكتب هذا الكلام في مدونتي 🙂 و احترت في اسمها حيرة بس ان شاء القى العنوان المناسب 💪🏽 😂 أخليكم مع التدوينة الخفيفة و اللطيفة 😘 .

مساء / صباح السعادة ما وحشتكم تدوينات سلسلة التدوين  👀 ؟ لا طيب  🚶🏼. قبل لا ابدأ الموضوع الأساسي حابة أقول انو اليوم و لله الحمد مدونتي صار لها سنتين 🎉 🎉 مرا فخورة اني اكملت سنتين من التدوين و عقبال العمر كلو ان شاء الله ، و أبداً ما ندمت اني سويت مدونة بالعكس تمنيت أعرفها من زمان بس للأسف عرفتها متاخر قبل ٩ سنين ممكن لمى كنت رابع كانت أول مرا أدخل عالم 

السلام عليكم و رحمة الله و بركاته صباح / مساء النشاط

السلام عليكم و رحمة الله  مساء / صباح الخير  لو تلاحظوا اخر تدويناتي حاطة صورة كاتبة فيها جملة ( love you all lola ) ، حبيت اني احط طريقتها للي حاب يسويها في مد،نته . أول شي تصممي الصورة في الفوتوشوب أو برنامج بيكسلر  هنا  هو برنامج شبيه بالفوتشوب بس انه اون لاين و فيه بس الاساسيات .