السلام عليكم و رحمة الله من سنة تقريباً ما نزلت مفضلاتي الشهرية و بصراحة كتبت مفضلاتي عشان امر بفترة كسل في التدوين و حابة اصحصح و ارجع زي اول 💔 المهم نبدأ في مفضلاتي .
السلام عليكم و رحمة الله قبل فترة اقترحت المدونة الصديقة امجاد في نافذة المدونات انو نتكلم عن بدايتنا في التدوين مرا حبيت الفكرة بس في البداية ما تشجعت مرا اني اكتب لأنو اعتبر مبتدئة في التدوين سار لي بس سنة بس بعدين بعد ما شفت البنات كتبوا و الهدف الأساسي من الفكرة انو نشجع او نلهم البنات الي حابين يبدأوا تدوين قررت اني اكتب بدايتي القصيرة و المتواضعة و بعد كم سنة ان شاء الله راح اكتب مرا ثانية .
السلام عليكم و رحمة الله و بركاته مساء / صباح الإصرار قبل لا أبدا التجربة حابة أقول لكم انو انا قبل ٥ شهور تقريباً سويت بروتين عند كوافيره و للأسف ما ضبط 💔 ، كانت تجربة فاشلة الصراحة و جاني احباط .
السلام عليكم و رحمة الله صباح / مساء الدلال حتكلم اليوم عن تجربتي الخاصة لغسول Supercleanse daily treatment & clearing cleanser من جلام جلو الي هو الغسول الابيض .
السلام عليكم و رحمة الله مساء / صباح الخير لو تلاحظوا اخر تدويناتي حاطة صورة كاتبة فيها جملة ( love you all lola ) ، حبيت اني احط طريقتها للي حاب يسويها في مد،نته . أول شي تصممي الصورة في الفوتوشوب أو برنامج بيكسلر هنا هو برنامج شبيه بالفوتشوب بس انه اون لاين و فيه بس الاساسيات .
السلام عليكم و رحمة الله و بركاته .. مساء \ صباح الجمال اليوم مرا متحمسة للتدوينة 😍 لانو من زمان نفسي اعمل كولاب مع مدونات و لمى اقترحت المدونة مسك الفكرة على طول وافقت الكولاب عبارة عن تحدي مكياج كامل للوك يومي صباحي أو مسائي بقيمة ما تتعدى ال ٣٠٠ ريال و الهدف من التحدي نثبت انو في منتجات رخيصة و جودتها ممتازة زيها زي المنتجات الغالية ...حيكون كل يوم بنت او بنتين ينزلوا بوست الين يوم الاربعاء ...
السلام عليكم و رحمة الله و بركاته صباح / مساء التألق من زمان ما نزلت مشتريات اخر مرا قبل ٥ شهور او اكثر ، يوم الخميس كنت طفشانةجلست ارتب أغراضي و لقيت فاتورة اخر مشتريات ماك و جات في بالي فكرة البوست لأني أعاني من دا الشي الي هو أسعار المنتجات بالذات منتجات ماك عجزت الاقي احد حاط اسعارها المهم نبدأ ...
سبحان الله و بحمده ، سبحان الله العظيم السلام عليكم ورحمة الله و بركاته.. الرؤوس السوداء مشكلة تعاني منها أغلب البنات ، جبتلكم اليوم 6 طرق لإزالتها مؤقتاً أو تخفيفها بشكل ملحوظ بإذن الله , أولاً معلومات عن الرؤوس السوداء من جوجل.
السلام عليكم و رحمة الله و بركاته اليوم ٦/٣ كملت المدونة سنة كاملة لها 😍 و لله الحمد كان نفسي انزل بوست عن شي و اكتب في نهايته انو المدونة كملت سنة بس الظروف ما خلتني اكتب 💔 فقررت اكتب بوست خاص لدا الشي المهم صراحة اول ما قررت أسوي مدونة كنت حاطة في بالي انو ما حيكون في جمهور سواء قراء او متابعين لأنو فكرة مدونتي في زيها كثير و معروفة من زمان و انا سويت مدونة في فترة الكل عنده بس كان عندي تفاءل بسيط انو ممكن القو جمهور اذا كان عندي شي مميز و سار هدفي في المدونة اني احاول أكون غير المدونات الي نفس مجال مدونتي و احاول اكتب مواضيع ماحد كتبها صراحة صعبة شوي اكتب عن شي ماحد كتب عنه ههههههههه بس الأهم منه طريقة طرحي للموضوع و تجربتي و بمناسبة سنة ع المدونة حقول ان شاء الله ارجع للتدوين يشكل دوري ما حطول اكثر من شهر او شهرين بدون ما انزل شي عندي مواضيع كثير ان شاء الله راح تنزل قريباً و صح نسيت اقولكم الحمدلله صراحة أبداً ما توقعت يكون عدد قراء مدونتي كذا ❤️مرا شكراً لكل وحدة .
السلام عليكم و رحمة الله و بركاته مساء \ صباح التفاؤل رجعت بعد اجازة من المدونة لاكثر من شهر و احترت اكتب عن ايش و امس البنات في نافذة المدونات تكلمو عن قوالب المدونة قلت اكتب عنها من اول ما سويت المدونة الين دحين يمكن حطيت 20 قالب كل شوي اغير و دحين سار لي 3 شهمور يمكن مستقرة على دا القالب ان شاء الله ما اغيره ههههههه المهم نبدأ في الموضوع في مواقع كثير توفر قوالب مجانية بس اكتبوا قوقل free templates هذا موقع قوالب هنا شفت فيه قوالب حلوة هذا الموقع الي احمل منه هنا بعدين حملي القالب الي يعجبك ، القوالب تتحمل بملف مضغوط بعدين فكي الضغط عن الملف زي الصورة . بعد كذا تروحي المدونة و تروحي لخيار ( قالب ) و بعده خيار ( نسخ احتياطي / استعادة ).
مساء / صباح الشوبينق . اعتقد أني اخر وحدة أحط مشتريات البلاك فرايدي بس زي مو عارفين كنت استنى طلبية البلانر الي إلى الان ما وصلت مدري متى حتوصل نخوش ع الموضوع هههههههه . مشتريات موقع سيفورا ...