trends sandals of summer 2015 | موضة الأحذية لصيف 2015

بسم الله الرحمن الرحيم 

كيفكم صبايا ؟ 

بما انو اغلبكم يتسوق للعيد أو السفر و الأحذية تعتبر شي مهم و مكمل للوك و بعد البحث عند الفاشنيستات   << متعوب ع الجمعو المجلات الأجنية هذي اقوى 5 موضات الأحذية لصيف 2015 حسب بحثي  

1- Flats & Slides

الصنادل الفلات الحمدلله إنها رجعت موضة مرا مريحة بالذات للسوق و دحين راجعة بقوة و أحس مناسبة جداً للأجواء الصيفية موجودة في كل مكان و بكل الماركات و بأشكل مختلفة و خامات متنوعة  بس يضل سلايد ايرميز في الصدارة .

2 -Gladiators 
الجلاديتور برضو كانت موضة الصيف الي فات بس دحين انتشرت اكثر و زاد طولها و سار يوصل الى الركبة و أحيانا مبالغ فيه الين الفخذ عن نفسي عاجبتني خصوصاً الي تكون لونها بني أو حصاني مرا حلوه و الي بالضبط جلاديتور هو الأسود الي فوق ع اليمين  .

3 - Block heels

الكعب الي يكون زي البلوك دارج و بقوة هالصيف خصوصا الي يكون كعبه ميدي و كويس أنو موضة لأنو برضو مريح و هو تقريبا زي ستايل السبعينات شايفين الأبيض و البني و الفوشي دول ستايل السبعينات لأنو عالي من قدام كمان و الباقي بلوك هيل عادي .

4 - Sneakers 

الأحذية الرياضية الله هذي الي من جد مريحة في كل مكان موجودة و بخامات مختلفة و سارت تنلبس مع أي لبس و تطلع شي جميل و أنيق و تمشي حتى مع فستان .

5 - Clogs & Mules

للأمانة ما أعرف عنهم كثير كل الي فهمتو انو ال clogs = القباقيب أو  قبقاب و يكون شكلها زي القبقاب تغطي تقريبا كل الرجل زي الصور إلي ع اليمين و mules ما أعرف معناها بس الي فهمتو أنو الأحذية الي فيها سترابس و في الأحذية الي فيها الموضتين مع بعض زي البني الي ع اليسار تصاميها مرا حلوة و كثير مصمميين منزلين تصاميم بهالفكرة . 

دمتم بخير  

تابعيني على شبكات التواصل الاجتماعي : 

instagram

twitter

snapchat