التخطي إلى المحتوى الرئيسي

Black Friday haul | مشترياتي من البلاك فرايدي ( الجمعة السوداء )


مساء / صباح الشوبينق .

اعتقد أني اخر وحدة أحط مشتريات البلاك فرايدي بس زي مو عارفين كنت استنى طلبية البلانر الي إلى الان ما وصلت مدري متى حتوصل نخوش ع الموضوع هههههههه .

مشتريات موقع سيفورا ...

Le Grand Palais Holiday 2015 Eyeshadow Palette

زوم




زوم اكثر 

مرا حبيت الفيونكة فيها بروز كأنها حقيقية مو في الكرتون ❤ .



البوكس فيه 15 لون اي شادو بحجم 0.06 اوز .
و 3 الوان اي شدو بحجم 0.07 اوز .
و 4 فيس باودر بحجم 0.08 اوز .
و ميني برايمر بحجم 0.17 اوز .
و ميني ميلتيد لونج وير ليب ستيك بحجم 0.16 اوز .
و ميني ماسكرا بيتر ان سيكس بحجم 0.17 اوز .






الالوان من قرب مصورتها اقرب من كذا بس انحذفت الصورة بالغلط فجبت صورة من النت توضح الاسماء و الالوان .



و فيه معاه طريقة لأربعة لوكات تعمليها بالباليت 



و هذي سواتشات للباليت من النت .

سعر الباليت بدون الضرايب ب 226 عند التاجرات ينباع ب 300 و زيادة و شفته قبل كم يوم في سيفورا ارخص من التاجرات . 


ثاني شي ليب قلوس kiss the moon from sephora 


حجمه صغير مرا كيوت  ❤ سعره ب 20 ريال تقريباً .



Kat Von D Shade + Light Contour Palette
هالباليت سمعت عنه كثير يمكن انباع في كل دول الخليج الا عندنا و شفته عند كذا تاجرة بس سعره يكون بين ال 200 و ال 300 فما اشتريته و شفته في موقع سيفورا عجبني سعره و اشتريته لانو من زمان ابغاه و عاجبني لانو يناسب كل البشرات .


zoom

درجات الكتور مرا ما فيها ذرت اورنج ممكن بس الي في النص على شوية احمر و الهايلات عادي مو مرا اقولكم بعد التجربة .

حبيت انو الكلام الي في العلبة فيه بروز و العلبة تتسكر بمغناطيس سعره تقريبا ب 180 ريال شايفين فرق السعر!! .

سعر مشتريات سيفورا مع التاكس ب 99.92 جنيه بريطاني يعني تقريبا 554 ريال اشوفه سعر مرا كويس بعد ما شفت اسعار التاجرات و هذا اضمن كمان  .

موقع مونيكا فيندرا
تخفيضات البلاك فرايدي عندهم مرا حلوة الخصم كان 40% .
 


مرا حبيت❤ أنو كل الملحقات تجي معاها كأنك اشتريتيها من المحل و كمان جوة العلبة في دست باق أو السيف باق  للاسوارة حلوة اذا حسافر واشيلها .


اسم الاسوارة Gold Vermeil Baja Bracelet - White Chalcedony للشراء هنا كنت ابغى الروز قولد بس قلت اجرب أول الي عليها تخفيض عشان لا اتورط هههههه .





يجي معاها كمان مقياس للخاتم حبيته لانو كان نفسي اشتري من عندهم خاتم بس خايفة اغلط في المقاس فدا يفيد اذا حطلب خاتم اونلاين و فاتورة الشراء  و ستيكر عنوان لهم اذا ابغى ارجعها بعد ما اشتريتها خفت انها تكون كبيرة بعد ما شفت الميني بس الحمدلله طلعت كويس عارفة انها تجي على اي مقاس من ورا بس قصدي الشكل ❤ .



الحلو اني طلبت تاريخ 27 نوفمبر و وصلت تاريخ 30 نوفمبر ❤ و توصيل مجاني كمان ❤ ❤ و طريقة الطلب من الموقع مرا سهلة الي حابة تشتري من عندهم في خصومات دحين . 
اوبس نسيت اكتب السعر ههههههههه سعرها قبل الخصم ب 210 و بعد الخصم 126 جنيه بريطاني .




تعليقات

  1. توفيسد و كات فوندي أكثر ماركات ميكب جمال وكيوت مع ذابالم كمان ..

    حبيت المشتريات ، والآي شادو عجيب ،، ❤

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .