التخطي إلى المحتوى الرئيسي

مشترياتي من موقع ايهرب | Iherb haul





مساء / صباح النشاط 

كيف حالكم ؟ و كيفكم مع الدراسة و الاختبارات ؟ 






قبل شهر ممكن طلبت من موقع iherb كنت مرا متحمسة اطلب منه لانه كثير بنات يمدحونه و اسعاره معقولة و الحلو كمان انه يوصل دايركت للسعودية 😍 الطلب وصل بسرعة ممكن اسبوع او اسبوع وكم يوم اخليكم مع الاشياء الي اشتريتها 😍 






من ناو now solutions 









زيت الجيلسرين :
جليسرين نباتي طبيعي ١٠٠٪  ينعم و يرطب البشرة و يوحد لونها و يستخدم كمان لتنظيف البشرة  حجمه ٤٧٣ مل للي حابة تشتريه هنا .





زيت الافوكادو :
كمان زيت طبيعي و نقي خالي من اي اضافات يعتبر مرطب رائع للبشرة لاحتوائع على عدة فيتامينات و مضادات الاكسدة و يساعد على التخلص  من جفاف  و تشققات الجلد ( السترتش ماركس )  فمرا حلو للي عندا علامات التمدد انا اشتريته لشعري ، طبيعة شعري جاف و زيت الافوكادو معروف انه ترطيبه قوي حجمه ١١٨ مل  رابط المنتج هنا .




زبدة الكاكاو :
تناسب كل انواع البشرة و معروفة في ترطيبها ، انا مرا جربت زبدة الكاكاو حق بالمرز للسترتش ماركس و حسيتها احسن من زبدة الشيا و ريحتها احسن و ملمسها اخف و حق ناو فود اسمع عليها مدح كثير تحمست اجربها و حبيت سعرها في ايهرب 😍 للي حابة تشتريها هنا حجمها ٢٠٧ مل .




الطين الاوربي :
اعتقد انه الكل يعرفه مرا مشهور عندنا و عند الاجانب و الكل يمدحه ما عمري سمعت شي سلبي عنه ، يناسب الي بشرتهم مختلطة او دهنية ، يعمل ديتوكس للبشرة و يزيل الاوساخ و الدهون و ينظف المسام و يصغرها ، عاد انا احتاج شي للمسامات ان شاء الله يفيدني ، حجمه ١٧٠ جرام للشراء هنا .





من جيوفاني giovanni 









سيروم frizz be gone : 
يتحكم بالتطاير و يعطي الشعر لمعان و ينعم الشعر و يلطفه و يفك التشابك هذا احن شي 😍😍 و يساعد على توقف التقصف و يحمي الشعر من الحرارة و يحافظ على لون الشعر المصبوغ لمى شفت هذي الاشياء كلها عيوني سارت كذا 😍😍 اذا من جد السيروم يحل كل هذي المشاكل ليتني من زمان اعرفه و تحمست له اكثر لمى شفت عدد الريفيوز رابط السيروم هنا .





بلسم جيفواني smooth as silk :
المفروض انه يكون شامبو و بلسم بس الشامبو كان مخلص فاخذت البلسم و الشامبو حطلبه مرا ثانية ان شاء الله صراحة انا اشتريته لاني كنت ادور شامبو خالي من السولفات و الصوديوم و يكون سعره حلو ، بالنسبة لموضوع الشامبو الي يستخدم بعد البروتين او الكيراتين راح اكتب لكم انواع اسعارها حلوة لانو صراحة حق ماكديميا سعره مبالغ فيه و ما حبيته عندكم هذا حق جيفواني و فيه نوع اسمه otto keunis : moroccan argan oil هذا النوع مرا رهيب ينباع في امازون عن تجربة شخصية احلى من ماكديميا بكثير وينفع لكل انواع الشعر مو شرط المعالجة 😍 و شامبو chi و اخر نوع هو Organix اللاين الي خالي من السولفات موجودة في وايتس و الدانوب طبعا كل الانواع الي ذكرتها اقصد الشامبو و البلسم مع بعض ، نرجع للبلسم الريفيوز حقه برضوا مرا كثير و هذا كمان من الاسباب الي خلتني اشتريه يوعد انه يرطب الشعر ترطيب عميق و ينعم الشعر الجاف و المتضرر للشراء هنا .





من ريل تكنيكس real techniques 





اظن اني اخر وحدة اجربها 😂 و ياريتني جربتها من زمان من جد تستاهل الضجة الي عليها اكثر وحدة حبيتها فرشه البفنق برش مرا حبيت تغطية الفونديشن باستخدامها للشراء هنا .



آخر شي التجربة كانت حلوة و ممتعة مافي احلى من انك فجأة تلاقي بوكس وصل لك 😍 بس ما حبيت تغليف للاشياء الزيوت و السيروم محطوطة في كيس نايلون و البلسم مقفلين الغطى بلصق و الباقي كدا حاطينوا المفروض تتأمن اكثر من كذا ما فيهم من امازون صراحة . 






و بكذا اكون انتهيت شكراً لكل الي قرأ و اتمنى تستفيدوا . 


 photo sig_zpsnzw9exvy.jpg

تعليقات

  1. ياه من جد شعور وصول الطلبيات يهوس ، مادري هوا عبط ولا إيه ذذذذذ

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .