About Lola's: مفضلاتي لشهر ماي

السلام عليكم و رحمة الله

من سنة تقريباً ما نزلت مفضلاتي الشهرية و بصراحة كتبت مفضلاتي عشان امر بفترة كسل في التدوين و حابة اصحصح و ارجع زي اول 💔 المهم نبدأ في مفضلاتي .

باليت الكونتور من كات فون دي

صراحة يستاهل كل المدح الي عليه ، من مسحة وحدة يبان و ثابت بس في عيب واحد لاحظته انو درجات الهايلايت تتناثر شوي عاد دايم لمى احط على خشمي لازم أعطس 😂😂 اكثر شي استخدم الي في نص الهايلايت : lyric و الكونتور : shadowplay جربت الي ع اليسار برضو بس الي ع اليمين ما عمري استخدمتهم لا الهايلات و الكونتور .

كيت الحواجب من مكياجي

سبق و تكلمت عنه في الانسقرام اكثر شي حابته فيها الفرشة تبعها مرا حلوة و احس تسهل رسم الحواجب تنفع للمبتدئات الشي الوحيد الي مو حلو فيها انها تنمسح بسرعة بالذات الجل مرا مو ثابت البودرة يعني شوي ثابتة انا بالنسبة لي عادي لاني استخدمها استخدام يومي مو في مناسبات .

فاونديشين ريميل لندن ماتش بيرفيكشن + لانكوم تينت ميركال

الفترة الاخير صايرة احب استخدمهم مع بعض ضغطتين من كل واحد و النتيجة 😍 اول شي اللون يطلع مرا تمام علي تغطية لانكوم مرا خفيفة بس ريميل متوسط و مع بعض تكون برضو متوسطة اللوك النهائي احترت فيه صراحة 😂أحياناً أحسه مطفي و أحياناً أحسه ديوي .

رابط شراء فاونديشن لانكوم هنا .

رابط شراء فاونديشن ريميل لندن هنا .

مفضلات العيون

جل لاينر من ايلف :

نسيت اصوره مع مفضلات العين هههههههه اول ما اشتريته ترددت استخدمه لاني حاطة في بالي انو الجل لاينر صعب بس طلعت غلطانة استخدامه بالفرشة المشطوفة مرا سهل 😍😍 الايلاينر سواده فاحم و و مطفي و سعره ممكن ٢٠ ريال عيبه انه على طول ينمسح من لمسه .

ايلاينر ذا بالم :

عجيييب 😍 😍 مرا حبيته هذا حق المناسبات اول شي لمى اشتريت حسبته قلم دايم اشوف صوره كانه قلم انصدمت 😳 صراحة لمى وصل و قلت ما راح استخدمه و مرا جربته و عجبني جداً سواده فاحم و الفرشة حقه مرا سهل الرسم بيها انا مجربة زمان ايلاينر فرشة حق لانكوم ما عرفت استخدمه بس هذا عادي سهل 💞 .

برايمر العين من توفيسد shadow insurance :

انا صراحة ما كنت اهتم في البرايمر ولا افكر اشتريه بس لمى جربته و شفت كيف الفرق عرفت انو فعلاً زي ما يقولوا مهم لانه يوضح اللون شفت الفرق في باليت naked 3 ، جربت قبله برايمر اربن ديكاي السامبلس الي تجي مع الباليت ما حبيتها تنشف بسرعة او انا ما عرفت ادمجها على انه كثير يمدحونها هذا حبيت انه خفيف فسهل دمجه و ما يحتاج احط منه كثير شوي بس يفي بالغرض .

ماسكارا better than sex or love من توفيسد :

الماسكرا هذي عليها ضجة و كثير مدحوها بس مدري ليش ماتحمست لها جات مع باليت توفيسد حق الكريسمس ناسية اسمو هي و البرايمر بحجم صغير الي حبيته فيها تطول الرموش و تكثفها شي بسيط احلى شي انو اذا عيني دمعت ما تسيح و لمى ازيلها تنمسح بسهولة عندي عقدة من الماسكرات انها ما تنزل بسرعة 😂 .

البلشرات

البلشرات سبق و تكلمت عنهم هنا و في الانستقرام اثنينهم نفس اللون بالضبط الفرق ماك غالي و فيه شمر خفيف و يوضح من مرا وحدة و قوامه باودر و كلور بوب كريب و بدون شيمر و ارخص و يحتاج تعيدي عليه مرا كمان او اتنين اذا الفرشة خشنة ممكن يبان من مرا .

الارواج

راح اذكر اسماء درجات الألوان الي استخدمتها كثير دا الشهر .

كلر بوب tule - clueless - bumble .

نكس لندن London + محدد ماك سور soar او اِن انتيبكشن in anticipation .

نكس سكوتهولم Stockholm + محدد سيفورا ٠١ برايت كورال bright coral .

روج ماك سبيد ديال speed dial .

المناكير الي واقعة في غرامها 😍😍

من اليمين :

. Bordeaux

. Red carpet

. Big apple red

اخر شي مزيل ماكياج سيفورا ما راح أتكلم عنه دحين لأَنِّي حتكلم عنه في تدوينة قادمة باذن الله 😊 .

آخر شي حابة اقولكم اني سويت حساب سناب شات 😍 للي حابة تتابعني و تشوف كل جديدي ، اكتبوا لي في الكومنت مفضلاتكم لشهر ماي ، و كل عام و انتم بخير و مبارك عليكم الشهر .