التخطي إلى المحتوى الرئيسي

مقارنة بين الارواج السائلة المطفية من سيفورا و كولر بوب









السلام عليكم و رحمة الله و بركاته 

صباح / مساء الجمال

كيفكم بنات ؟

من زمان ما تكلمت عن الميك اب تدوينة اليوم تدوينة بسيطة و مأجلة من فترة طويلة و اخيراً اليوم قررت اكتبها ..

الارواج المات السنين الاخيرة مسوية ضجة كبيرة و كل الشركات تسويها و اكثر ارواج سوت ضجة اول لايم كرايم و حالياً ارواج كايلي و كمان كولور بوب عليها ضجة كونها البيديل الارخص للاثنين ، انا جربت كذا نوع منها السائلة و منها العادية و اليوم راح اقولكم رأي في نوعين أرواج سائلة 💄. 








ارواج كولور بوب ultra matte lip





سهل المد و قوامه سائل جداً و خقيق زي المويا ما تحسي انك حاطة شي على شفايفك و ينشف بسرعة في ثواني و بعد ما ينشف تحسي انو الشفايف شوية جفت بس بعده خلاص .


الثبات :شربت موية ما بقع و اكلت برضوا ما بقع بقي  ثابت من 5 الى 7 ساعات بس مع الاكل ينمسح من النص بالذات اذا كان فيه دسم .


قوة اللون : اللون حلو من اول مرا يوضح ما يحتاج له كم طبقة و جربت احط كم طبقة حطيت ٤ طبقات اتعدم شكل الروج و سار في خطوط و يتشقر الروج و ما نشف .


الرائحة : ما فيه ريحة حلوة فيه ريحة خفيفة جداً ممكن حق المواد المصنوع منها .


 التعليب :تعليبه مو ذاك الشي ممكن عشان كذا سعره رخيص لان جودته ممتازة على سعره العلبة  زجاج و الكلام الي فيها على طول انمسح و حجمه مو مكتوب لا في الموقع ولا عليه .  


السعر : اخذته من تاجرة في الانسجرام ب ٦٠ ريال .



سواتشات للي عندي :


clueless



tulle


bumble






أرواج سيفورا cream lip stain

سهل المد و قوامه سائل  كريمي اول ما ينحط بعدين ينشف ياخذ وقت اطول من حق كولور بوب عشان ينشف بس مو وقت طويل برضو اقل من دقيقة او ممكن دقيقة و يسير مات  .


الثبات : ثابت ما يبقع لمى اشرب موية او اكل جربته ٦ ساعات بدون اكل شي فيه دسم ما انمسح بس ممكن اخر ساعتين سار يطبع ع الخفيف .


قوة اللون : اللون قوي و واضح ما يحتاج طبقة ثانية .


الرائحة : ريحته حلوة تعجبني بس مدري زي ايش احسها زي ريحة شمعة او حلاوة بس لمى ادقق في الريحة اشم مع الريحة الحلوة ريحة مواد خفيفة . 


التعليب : حجمه ٥مل و العلبة بلاستيك بس و الكلام المطبوع فيها ما راح و الفرشة حقو احسها كبيرة احيانا احوس لمى احدد الشفابف بيها . 


السعر: تقريباً ٧٠ ريال في كل فروع سيفورا .



01 always red



قبل لا استخدم أي روج مات احب ارطب شفايفي و بعد ما امسحه برضوا ارطبها و اقشر شفايفي ٣ مرات في الاسبوع و اذا كانت ناشفة مرا قبل لا أسوي الروج اسوي المقشر .


ملاحظة : الاثنين يحتاج لهم مزيل او شي زيتي عشان اقدر امسحهم . 




 photo sig_zpsnzw9exvy.jpg


تعليقات

  1. أرواج كلربوب العشق ..
    أحبها ثابته وماتحوس .. أعاني نفس كلامك انه علطول تروح كتابتها

    ردحذف
    الردود
    1. تستاهل كل ريال اندفع لها صراحة

      حذف
  2. شكررا ع التدويينه لاني كنت ناويه أجررب أرواج سيفورا 🙊 وذحين حبيتهم زياده 👏

    ردحذف
  3. حبيت كلربوب ما جربتها بس الوانها تجنن اما سيفورا مااعتقد اجربها ❤️

    ردحذف
  4. لمى تروحي سيفورا جربيها مرا حلوة و سعرها حلو

    ردحذف
  5. حبيت الريفيو
    واكثر شي ارواج سيفورا خصصوا انها متوفرة بدون طلب
    🙈
    يعطيك العافيه

    ردحذف
  6. شكلو كلر بوب جيد ،، شكراً جزيلاً لولا ✨

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .