fall / winter 2017 trends

Monday, January 16, 2017





صباح / مساء السعادة

اليوم صحيت و فجأة جا على بالي اكتب بوست عن الفاشن من زمان ما كتبت شي في هذا القسم لاني بأمانة مو مرة مهتمة في الموضة بس مدري صحيت و نفسي اكتب موضوع عن الفاشن  😂 مدري ايش الهرجة بس ممكن عشان الايام هذي اشوف قدامي مواضيع عن الموضة و الترند كثير التدوينة حتكون غير تدويناتي الي قبل راح تكون مقسمة ملابس و اكسسوارات  ...




الملابس :


الاكمام الطويلة جداً | EXTRA LONG SLEEVE 






الترند هذي انشافت كثير ع الرنواي كانت موجودة في عرض كلوي و ستيلا مكارتني  و شانيل ، راح تكون دارجة اكثر في الصيف و يقال انها راح تكون من اقوى الترند في ٢٠١٧ .



البلوزة الهاينك تحت الفستان  | TURTLENECKS UNDER DRESSES :




مدري ليش عجزت اترجمها بسهولة  😂 الترند هذي مرا حبيتها لانه اقدر استغل الفساتين الصيفية  👍 و في كمان زي ما تشوفوا في الصور بعضهم يلبسو ليجينج كمان . 



الكسر | PLEATS :


إضافة تسمية توضيحية



القماش المخمل و لون ازرق منتصف الليل  | VELVET & MIDNIGHT BLUE VELVET :






طبعا كالعادة المخمل لازم يكون موجود في أزياء الخريف و الشتاء و الالوان الدارجة السنة هذي هي الميدنايت بلو و هو اكثر شي ترند و الاخضر الجيشي أو العسكري  و الاخضر الغامق و البنك و العودي . 





اللون دارج بخامات كثيرة بس الي انشاف اكثر شي ع الرنواي المخمل .



اكمام الثمانينات | THE 80'S SHOULDER :




ما تلاحظو الفترة الاخيرة ساروا يرجعوا كثير لستايل الثمانينات  👀 .


الترتر | SEQUINS : 





بدأ من 2016  و راح يستمر إلى ربيع و صيف 2017 . 



الاكمام المنفوخة و القبة الفكتورية | VICTORIAN COLLAR & PUFFY SHOULDER :



من أجمل الترند بالنسبة لي 💕 .

القبة الفيونكة | PUSSY BOW 







الميتالك | METALLIC : 








فتحة v بس تكون مرا كبيرة : 










الاكسسوارات :

الأحزمة الي عليها شعار الماركة  | LOGO BLET : 







سلاسل اللؤلؤ | STRIGS OF PEARLS : 




اكسسوارات اللؤلؤ بشكل عما ترند .






طبقات السلاسل | LAYERED NICKELACES : 










الحلقان المختلفة الشكل | ASYMMETRIC EARINGS : 





Fishnet Tights and Socks : 



لو تلاحظوا في بعض الصور جامعين كذا ترند مع بعض هذا الحلو في الموضة انك تقدري تلعبي فيها بكيفك و تسوي الي يعجبك 👍😍 ، في أشياء كثير ترند بس ما حطيتها حسيت البوست راح يكون طويل حاولت اقلل قد ما اقدر بس  صراحة كان صعب جداً اودي احط كل الي عاجبني بس تجميع الصور متعب 😪 و زي ما قلت البوست راح يكون طويل و يومي خلص 💤 ، ترقبوا الجزء الثاني من البوست راح يكون عن موضة الربيع و الصيف ان شاء الله . 






تابعيني على شبكات التواصل الاجتماعي : 


7 comments:

  1. موضوع بططل وتجميعك للصور جببار 👍👍

    بعض التريندز من أول ما تشوفينها تعجبك.. زي التايت والشراريب الشبك والمخمل والحلقان المختلفة،، مرره جميلة بغض النظر عما إذا كان المصممين قرروا يكون الكوليكشن بهالشكل أو لا 💖
    وبعضها ممكن مع الوقت ولمن تشوفين نماذج أكثر تقتنعين فيها.. زي الهاينك اللي تتحت الفستان، أول ما شفتها انصدمت افتكرت بعض صور الطفولة أيام الشتاء ههههه بس عجبتني أحد الصور اللي حطيتيها كانت لابسه فستان أسود أكمام وهاينك وفوقه فستان سليف ليس 😍
    <<أحس هالتريند أبديت للكرداشيانز لمن لبسوا التيشيرت تحت قميص النوم 😵

    وبعض التريندز خيررر شرر ما تكون جميلة من الأساس.. زي الأكمام الطويلة! للأسف شكلها غير متناسق للعين ولبسها غير عملي، يعني إللي تلبسها بتضحك على نفسها بعد عشر سنوات 😝

    ReplyDelete
    Replies
    1. صح كلامك ترند الاكمام الطويلة مو حلو اصلا الاي تلبسو مدر كيف تقدر تمسك الاشياء و تاكل لو كان طويل شوية ممكن ينلبس ، و شكرا ع الكومنت الجميل زيك 💞

      Delete
  2. بوست متكامل
    الترند هالسنه كان جميييل وابداع وكلها حبيتها
    الا موضه لبس هاينك تحت الفستان ماحبيتها ولاتقبلتها ابداً
    والاكمام الطويلة مزعجة وغير عملية

    يعطيك العافيه لولا

    ReplyDelete
  3. اكثر ترند حبيته المخمل والاكمام اما التوب تحت الفستان ما تقبلته 🙄

    ReplyDelete
  4. حبيت المخمل والشراب الاسود مره عجبوني ❤️❤️❤️ بس الباقين وخصوصا البلوزه تحت الفستان حسيتها سيئة جداً ��

    ReplyDelete
  5. الله لولا حبيت البوست لطيف ومرتب ،، ماحبيت الكم الطويل ابداً
    أما الباقي كلها فعلاً أنيييييقه

    ReplyDelete