موضوع اليوم واضح من العنوان راح اشاركم تجربتي في تخفيف جلد الفراولة او الوزة او الدجاجة الي تسموه بس قبل لا أبدأ ابغى اوضح لك انه في فرق بين ساق الفراولة و جلد الدجاجة.
الاسم الشائع strawberry legs ساق الفراولة هي عبارة عن نقط حمراء او بني حسب لون البشرة تشبه النقط الي في الفراولة و غالباً تظهر في الساق و ممكن كمان اليد و الفخد و هذي سببها المسام بعد الحلاقة تتراكم فيها الدهون والجلد الميت و البكتيريا و غيره فتسير المسام كذا بسببهم .
ايش علاجها؟
التقشير فيزيائي و كيميائي
طبعاً دايمًا الكيميائي افضل و نتايجه اسرع و أقوى من أفضل المكونات حمض السالسليك ممتاز لتنظيف المسام بعمق من الدهون و الرواسب و كمان مضاد للالتهاب فيخفف الإحمرار و التهيج الي فيها حتى للوجه معروف للرؤوس السوداء تلاقوه في كريم او سائل استحمام او حتى في مقشر هذي بعض المنتجات الممتازة:
غسول الجسم من سوم باي مي بالأنواع الثلاقة من أحماض التقشيرمن ايهيرب الغسول مرة ممتاز يصفي البشرة و ينظفها بعمق حلو كمان للي عندها حبوب في الجسم.
كمان عندك غسول من سيرافى مرة احب هذي البراند منتجاتهم جودتها مرة حلوة و طبية و اسعارها معقولة من
و هذا الكريم من نفس اللاين حق سيرافي
و هذا كريم نوع ثاني من ايهيرب
الترطيب كمان مهم و مهم تختاري مرطب يكون خفيف و ما يسد المسام ممكن حتى المرطب الي تاخذيه يكون فيه احماض تقشير عشان تشوفي نتيجة اهم نقطة ضروري و لازم موازنة ماينفع تستخدمي كذا منتج فيه تقشير كيميائي انتبهي كذا راح تنعدم بشرتك ماينفع ريتانول مع سالسليك مع الفا هايدروكسي شي واحد منهم يكفي لأنه خلطهم مع بعض لازم بنسب وبعضهم ما ينفع مع بعض بالنسبة لي أفضل مرطبات للبشرة الي تشوفي منها نتيجة حلوة اليوريا زي لوشن يوسرين في امازون دايماً سعرهم حلو.
في سبب ثاني يكون بس للي تشيل الشعربالموس و هو انه الشعرة ما تنشال من الجذور فتكون واضحة الحل لهذي الحالة و حتى الحالة الي قبل العلاج الوحيد الي يخليك تتخلصي منها ١٠٠٪ و مضمون و أسرع شي الليزر سواء كان منزلي أو عيادة هو أفضل و أسرع حل جربت العيادة و حالياً لي شهر و اسبوع استخدم المنزلي و مرة حابة النتيجة و ما ندمت ابداً الحمدلله اني اخذته و انصح كل وحدة تبغى تهتم في بشرتها بالليزر المنزلي في أنواع كثير تناسب أغلب الميزانيات أنا اخذت T16 من متجر اسمه بيوتي ستور و مرة حبيت تعاملهم و خدماتهم و سرعة الرد عندهم و اهم حاجة السعر عندهم ارخص سعر لقيته و معاه هديتين مرة مبسوطة اني اكتشفت المتجر رابط المتجر هنا .
أما جلد الدجاجة او جلد الوزة هي حالة جلدية اسمها التقرن الشعري أو ال KP سببه تراكم الكيراتين و الجلد الميت في بصيلات الشعر فيسدها
ومن خلال تجربتي المتواضعة علاج التقرن اسهل من المسام المسدودة بس يبغى له صبر و التزام .
تقريباً طريقة علاجة نفس طريقة المسام
تقشير و ترطيب و نفس الشي حمض السالساليك ممتاز لعلاجها و احماض الألفا هايدروكسي و الريتنول في كريم أحبه من ايهيرب بالريتانول فضيع يعالجهم و كمان يخلي البشرة مشرقة و لون واحد بس نتيجته مرة بطيئة و يبغى لك ثلاثة علب عشان تشوفي فرق رهيب خاصة اذا تستخدميه وحده
الترطيب جداً مهم من الكريمات الي مرة فادتني في علاج التقرن الشعري هي كريم اليوريا و مقشر القهوة أنا احب اسويه منزلي التقشير الفيزيائي كمان يساعد على تخفيفها بس لازم تكوني رقيقة على جلدك.
انتهى
لأي استفسار و لدعمي تابعوني في حساباتي في السوشيال ميديا
ليست هناك تعليقات:
إرسال تعليق