مساء / صباح الذكريات و اللحظات الجميلة 💕 اليوم راح اتكلم عن شي جديد على المدونة ما عمري تكلمت عن تطبيق بس هذا التطبيق من كم شهر و انا ابغى اتكلم عنه و قلت احسن وقت يكون بداية 2017 .
السلام عليكم و رحمة الله قبل فترة اقترحت المدونة الصديقة امجاد في نافذة المدونات انو نتكلم عن بدايتنا في التدوين مرا حبيت الفكرة بس في البداية ما تشجعت مرا اني اكتب لأنو اعتبر مبتدئة في التدوين سار لي بس سنة بس بعدين بعد ما شفت البنات كتبوا و الهدف الأساسي من الفكرة انو نشجع او نلهم البنات الي حابين يبدأوا تدوين قررت اني اكتب بدايتي القصيرة و المتواضعة و بعد كم سنة ان شاء الله راح اكتب مرا ثانية .
السلام عليكم و رحمة الله و بركاته اليوم ٦/٣ كملت المدونة سنة كاملة لها 😍 و لله الحمد كان نفسي انزل بوست عن شي و اكتب في نهايته انو المدونة كملت سنة بس الظروف ما خلتني اكتب 💔 فقررت اكتب بوست خاص لدا الشي المهم صراحة اول ما قررت أسوي مدونة كنت حاطة في بالي انو ما حيكون في جمهور سواء قراء او متابعين لأنو فكرة مدونتي في زيها كثير و معروفة من زمان و انا سويت مدونة في فترة الكل عنده بس كان عندي تفاءل بسيط انو ممكن القو جمهور اذا كان عندي شي مميز و سار هدفي في المدونة اني احاول أكون غير المدونات الي نفس مجال مدونتي و احاول اكتب مواضيع ماحد كتبها صراحة صعبة شوي اكتب عن شي ماحد كتب عنه ههههههههه بس الأهم منه طريقة طرحي للموضوع و تجربتي و بمناسبة سنة ع المدونة حقول ان شاء الله ارجع للتدوين يشكل دوري ما حطول اكثر من شهر او شهرين بدون ما انزل شي عندي مواضيع كثير ان شاء الله راح تنزل قريباً و صح نسيت اقولكم الحمدلله صراحة أبداً ما توقعت يكون عدد قراء مدونتي كذا ❤️مرا شكراً لكل وحدة .
مساء \ صباح الاجواء الجميلة في اخر ساعات و دقائق عام 2015 راح اكتب عن انجازت و اهداف حققتها او خليني اقول اشياء سويتها و حبيتها في عام 2015 لانو احسها انسب لانو الاشياء الي حكتبها اغلبها سطحية , عام 2015 يعني لي الكثير و سارت فيه احداث مفرحة كثير بالنسبة لي ❤ و إن شاء الله انتو كمان زيي ❤ فحبيت اكتب عنه هنا كارشيف ارجع له بعد سنين الله يطول بأعمارنا يارب ❤ .
ما شاء الله لا حول و لا قوة إلا بالله " لا يقاس النجاح بالموقع الذي يتبوأه المرء في حياته .. بقدر ما يقاس بالصعاب التي يتغلب عليها " السلام عليكم و رحمة الله و بركاته صباح / مساء الخير.. للجميع تم و لله الحمد حفل تخرجي أنا و صديقاتي من الثانوية بتاريخ 2\5\2015 <<< حسيت اني ألقي خطبة الحفلة خاصة يعني مو تبع المدرسة من إعدادي أنا و صديقاتي كل شي احنا سويناه و الحمدلله طلعت شي مرتب و حلو على قد التعب الي تعبناه كانت حفلة تجنن مرا الحمدلله يلا نبدأ بالصور...