new member in our family

Tuesday, July 19, 2016



السلام عليكم و رحمة الله 



مساء / صباح الخير













كيفكم ؟ و كيف إجازتكم ؟ عن نفسي انا في معركة مع نومي محاولة تعديله 😁 ، بعد غياب شهر حبيت اول تدوينة تكون عن اهم شي صار لي في رمضان يوم الاحد تاريخ 14 رمضان 1427 هـ  19 يونيو 2016 و هو ولادة ماما بالسلامة 💞💞 ماما في بداية الحمل الحمدلله كان كل شي عندها تمام بس بعدين في الشهر الخامس او السادس ممكن تعبت لدرجة انها ما تقدر تتحرك ، احياناً لمى اشوفها كنت ابكي على حالتها و اتمنى اني ما احمل لانها كانت مرا تعبانة و الحمدلله الشهر الثامن تحسنت كثير و قدرت تتحرك و كل شي تمام من احلى الايام عندي لمى رحنا كل العيلة السوق حتى اختي الصغيرة ( عمرها 4 ) كان يوم جداً جميل و مفرح و كلنا متحمسين لولادة ماما 😍 و كانو اول مرا حتولد ههههه . 






و قرب وقت الولادة و كان توتر لأنها حتولد بعملية و العملية تخوف شوي عشان المشيمة نازلة اذكر هذاك اليوم ما قدرت انام من الخوف و الساعة 1:30 جاني خبر ولادتها بالسلامة الحمدلله هي و البيبي بخير 💞 .  

ماني عارفة كيف اوصف لكم شعوري اول ما شفته انا اخاف احمل البيبيهات بس اول ما شفته كذا سبحان الله راح كل الخوف جد شعور انك تحملي بيبي في حضنك شعور جمييل جداً الله لايحرم احد منه ، تخيلوا انوا الفرق بيني و بينوا 19 سنة 😂 مرا كثير ، و اختي الصغيرة كنّا متوقعين انها راح تكرهه حياته من الغيرة لكنها طلعت مؤدبة اكيد تغار و تضربه أحياناً 😂 بس الحمدلله مو كثير اممم و بس 😄 مدري ايش أقول للأسف ما اعرف اعبر عدل بس حبيت اني اكتب عن هذا الشي و لو جزء بسيط ذكرى للمستقبل ، باختصار وجود مولود في بيتك شعور جميل جداً و يجيب السعادة الله يسهل لكل الحوامل و يرزق الجميع الذرية الصالحة ❤️ . 


تابعوني ع السناب شات . 



 photo sig_zpsnzw9exvy.jpg


No comments:

Post a Comment