التخطي إلى المحتوى الرئيسي

مفضلاتي لشهر أبريل My fav



السلام عليكم و رحمة الله و بركاته .. 
من زمان ما نزلت شي انشلغت بسبب الاختبارت ، دعواتكم إن شاء الله اجيب نسبة عالية 💕 ، و ان شاء الله كل ما أفضى اكتب عن شي ، نرجع للموضوع الأساسي 😂 الي هو مفضلاتي لشهر أبريل عارفة إنّو بداية الشهر 😂 هي أصلا مفضلات شهر مارس بس قلت لكم مشغولة شوي 💔 مفضلاتي كلها من الدرق ستور . 






سيريوم دوكراي | Ducray nutricrat concentrate

سيروم دوكراي للشعر الشديد الجفاف و المتضرر هذا من مفضلاتي للأبد استخدمه على شعري كله عادي كأي سيريوم و هو مبلول عشان يخفف انتفاش الشعر 💔 او بعد الاستشوار او أحط نقطه ع أطراف شعري هالطريقة اكثر شي استخدمها  هنا يسير من جد عجيب 😍 أطراف شعري كانت تالفة جداً جداً تكون الشعره نفسها مقسمة ثلاثة شعرات و بعدين لمى سرت أحطه على الأطراف ما شاء الله تبارك الله كأني دوبي قاصة الأطراف لاحظت الفرق بالتدريج كل أسبوع يتحسن اكثر جربوا و صدقوني راح يعجبكم 👍🏼 يمكن هو أساسا لأطراف الشعر بس أنا ندري ☺️ عشان كذا فادني في أطراف الشعر.






 جل شاور من برجوا | Bourjois gel shower

ريحتهم تجنن تجنن أنا استخدم pamper me و الثاني حق اختي حطيته للتصوير بس 😂 اشتريتوا بس عشان شكلوا مغري. و الوانو كمان و شفت إنّو خالي من الباربين بس مررا عجبني بس استخدمه يخلي بشرتي ناعمة كأني حاطة كريم بس للأسف الريحة ما تمسك يمكن عاشتها خفيفة و كمان ينظف كويس 😂 و شوفوا دي الدائرة الذهبية كيوت صح سعرو في العشرين .
   







 مرطب الشفاه من فليكستول | Flexitol lip balm

مرطب فليكستول علاج لشفايف الجافة أنا شفايفي مرا جافة وا ستخدمته سار لي شهر تقريبا و الحمدلله لاحظت فرق كبير كنت ما اقدر اضحك شفايفي تتقطع اذا ضحكت 💔 و لمى جربته تغيرت خف الجفاف أنا كل يوم أسويه يمكن ٤ او ٥ مرات في اليوم حلو انه قوامه زي الفازلين و تمتصه الشفايف يعني ما يسوي طبقة ثقيلة ع الشفايف زي الفازلين و لمى أحطه احس بحرارة احسها حق العلاج 😂 انتبهوا 🚫 تحطوه اذا شفايفكم فيها جرح مفتوح 🚫 هو فيه نسبة من اليوريا عشان كذا ترطيبه كويس 👍🏼  معلومة حطيها في بالك اي شي فيه نسبة يوريا - زبدة شيا - فيتامين ه E - زبدة كاكاو - زيت زيتون حيكون ترطيبه كويس .  







جل مقشر بايوديرما سيبيوم | Bioderma gel gommant 

مقشر سيبيوم للوجه لإزالة الرؤوس السوداء ممتاز 👍🏼 الي عجبني فيه أنو الحبيبات حقه ناعمة خفيفة ع الوجه ، استخدمه يمكن من 4 شهور مرتين في الأسبوع اخذ كمية قليلة من المقشر و أعمل مساج للوجه لمدة دقيقتين ريحته حلوه تعجبني و لمى أغسله و جهي يسير ناعم .

غسول نيتروجينا | Neutrogen visbly clear 2in1 

سبق و تكلمت عنو في البوست الي قبل ☺️هنا.










 كونسيلر ريميل لندن | Rimmel London concealer

ريميل لندن ماتش بيرفكشن كونسيلر هذا اسمه الكامل أنا مو خبره في الميك اب كنت ابغى كونسيلر رحت سنتربوينت و اخذت هذا عجبني ثابت و تغطيته حلوه و لما سويته كذا حسيت كأني مسوية تنظيف في البشرة و كان فيني حبتين خفاها مزبوط الدرجة اسمها : natural beige 060 ، تصدقوا و أنا اكتب شفتوا و اكتشفت أنو ينفع هاي لايت كمان مكتوب 2in1😂 .






قلم أي لاينر كاراجا | Karaja eyeliner

حلو للخرجات الخفيفة عجبني عشانه مره نحيف و سواده حلو أنا عاجبني عشان ما أعرف أسوي اي لاينر و جربت قبله كذا نوع ما عرفت و هذا حلو و عرفت أضبط الأي لاينر أنصح فيه المبتدئات زي و شوفو الفيديو موجود فيه بس عيبه انه ينمسح على طول  سعرو 42 ريال .
















مناكير اتش اند ام | H & M nail polish 
مناكير اتش اند ام من المفضلة عندي فرشة مناكريهم حلوه و سعرو حلو 29 ريال و الوانو حلوه هذول اشتريتهم اخر شي البنك مرا ما عجبني و طاح من عيني مناكير اتش اند ام شفاف كأني حاطة شوية جلتر اسمه : pink pearl  و الذهبي هو المفضل عندي حالياً سرت ما احط غيره علقت عليه 😂💕 من طبقة وحدة يبان اللون بس كذا تحسي شبه شفاف ان شاء الله فهمتوا قصدي ، أنا احط طبقتين احس يبز اللون اكثر  اسمه : cleopatra gold . 



اتمنى انكم استفدوا

تعليقات

  1. المناكير يسسسطّل ، خقيت عنده ؛ عندي واحد نفس فكرة اللي عندك ، كنت أحب أحطه أيام المدرسة مايلفت النظر .. ❤

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .