التخطي إلى المحتوى الرئيسي

روتيني في العناية أيام الاختبارات

السلام عليكم و رحمة الله 

بما أنو الاختبارات قربت حبيت اشاركم روتيني أيام الاختبارات كلها اشياء بسيطة و سريعة ما تاخذ منكم وقت كثير 

أول شي أهم حاجة المويا أقل شب في اليوم 8 كاسات موية الاهتمام و الخلطات ما تنفع بدون شرب مويا و النوم كمان كثير بنات يواصلون أيام الاختبارات 


الوجه : 

كل يوم أول ما أصحى و قبل ما أنام أغسل وجهي بصابون نيتروجينا و مره وحدة في اليوم أي وقت اسوي ماسك نيتروجينا انفيسبل .

يوم الخميس أو الجمعة استخدم مقشر بيوديرما .
الجسم:

يومين في الأسبوع اعمل سكرب لك الحرية في نوع السكرب ( مقشر ) أنا استخدم هوم ميد سكرب إلي هو سكر و زيت زيتون و ليمون و كل يوم بعد ما اتروش لمى يكون الجسم دي ادهن بلوشن دوف برضوا لك الحرية استخدمي الكريم الي يريحك و قبل ما أنام أحط على رجلي ( الله يكرمكم ) فوت كريم من فليكستول 





هذا بالضبط الي استخدمه 








الشعر : 

أنا شعري جاف و تالف فأغسلو من مره إلى مرتين في الأسبوع يعني حسب في الويكند أزيت شعري بزيت ( خروع و سمسم و لوز حلو و جرجير أو زيت جوز هند ) 
بس حالياً سرت أسوي ماسك مررا حبيته حسيت أنوفاد شعري من أول استخدام 
مكونات الماسك : 
- 1,5 ملعقة كبيرة زيت صبار 
- 3 ملاعق كبيرة زيت سمسم 
- 1 ملعقة كبيرة زيت خروع 
- 1 ملعقة كبيرة زيت اللوز الحلو 
- 3-4 ملاعق كبيرة زبدة الشيا 

ممكن تزيدي المقادير أو تنقصي حسب طول شعرك 

الطريقة : 

تخلطي المقادير مع بعض إلين ما يسير الماسك كريمي و تحطيه على شعرك من الجذول إلى الأطراف و كثري في أطراف شعرك إذا كانت متقصفة و بعدين غطي شعرك بنايلون و خليه مدة تتراوح بين 2 - 4 ساعات .

و في الأيام التانية إذا غسلت شعري ما أحط شي و أحيانا أغسله ببلسم بدون شامبو أو بماسك شعر جاهز 
و بس هذا روتيني المتواضع و السريع ان شاء الله تستفيدوا 




تعليقات

  1. صابونة نيتروجينا جميلة ، كنت استخدمها زمان مرا جيدة ..❤

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .