السلام عليكم و رحمة الله و بركاته ...
عشان من زمان ما نزلت شي وعدت نفسي دا الشهر أنزل اقل شي 4 بوستس و كنت ناوية تكون ريفيوز عن السفر بس ما سافرنا و ما عندي شي جربته قريب قلت اكتب تدوينة خفيفة و بسيطة عن 10 قطع بالنسبة لي لازم تكون عندك في الدولاب دا السيزون و تستغلوا الفرصة تشتروا قبل لا تخلص التخفيضات
الكيمونو و البونتشو عبارة عن جاكيتات بس الفرق بينهم انو الكيمونو قصته مربع و البونتشو قصته مثلث زي لبس المكسيكان او دائرية و الاطراف مثلثة زي التركواز و البنك ، شايفين البنك♥ ♥ دا من h&m كنت ابغاه للعيد بس ما لقيته و رحت كمان الاسبوع اليفات وبرضو ما نزل مرا قهر .
2- الكروشيه | crochet
طالعين دحين ع الملابس الي تكون بالكروشيه بالذات الفساتين و الكروب مرا جميلين ♥ ♥ و قطعة جميلة و مناسبة للصيفية و أحسها من القطع الي ما تنمل .
3- الفستان القميص | shirt dress
ترند خفيف و ناعم جميل و مناسب للصيفية بس اعتبره الاقل اهمية و احس ما حتطول موضته .
4- الاكسسوارات الملفتة أو البارزة | statement accessories
موضة من كم سنة و مازالت و بقوة احس مرة مهم يكون عندك اكسسوارات ستيتمنت سواء في دا السيزون أو غيره لانها مره مهمة هههه بس من جد اظن انو ما في ولا وحدة ما عندها ستيتمنت اكسسوارز .
5- فستان بحزام | belted dress
مدري ايش اقول بس دي القطعة موضتها ما تنتهي تنلبس اي وقت عشان كذا مهمة تكون عندك .
6- الكروب توب | crop tops
الاقرب الى قلبي ♥ مرا احبها انيقة و مريحة ووو ... الخ
7- الفلات الي برباط للساق | flat lace-up shoes
( الصور توضح أكثر ) . شوفوا انيقة و ناعمة و ما تنمل
8- لون المارسالا | marsala color
من الألوان المفضلة عندي و دارج هالموسم و شفناه في مهرجانات دي السنة كثير .
9- fringe
الفرنج مدري ايش مسماه بالعربي بس هو القطع الي يكون القماش مقصص خطوط هههههه شوفوا الصور ما اعرف كيف اشرح ♥ .
10- neon
وبس و الله ان شاء الله تستفيدوا و بليز اذا استفدتوا او عندكم اختلاف عن رأي اكتبوا كومنت و احبكم ♥ ♥ ♥
الكيمونو عجيب ومريح وأنيييق ، شفته كثير ع بنات الجامعة قمة في الأناقة .. ❤
ردحذف