make your own planner 2016 + more

Wednesday, December 23, 2015


صباح \ مساءالتنظيم 

الاربع شهور الاخيرة سرت مهوسة بمنظم المهام أو الأجندة (planner) و خرابيطه و الاستيكرز حقه و كيف اسويها من الحماس ههههههه 😂 و قررت انو اسوي البلانر حقي بنفسي لأنو الطريقة مرا سهلة و ممتعة للناس الفاضية زيي بس للأسف قراري جاء في وقت غلط 💔 لانو زي ما تعرفوا الفتره دي مرا مشغولة ما حقدر اسويه سو قررت اشتري واحد و اشتريته في البلاك فرايدي ( كنت حكتب عن البلانر اول يوم في يناير بس شوفت كثير يتكلمون عنه و فكرت انو الناس حتشتري قبل لا تبدأ السنة مو لمى تبدأ عشان كذا قدمت الموضوع 😂 ما عليكم من فهاوتي ) .




ايش هو المنظم ( planner ) : هو عبارة عن دفتر أو كتاب مقسم اجزاء لكل شهر جزء و كل شهر فيه تقسيم للتدوين بشكل يومي أو اسبوعي أو الاثنين مع بعض و بعض البلانرز يكون فيها في البداية تدوين سنوي للاحداث المهمة جداً .




مقاساته : 

A4  و A5 اكبر مقاسات الاجندة و تناسب الي البلانر حقهم حيبقى في مكان واحد في الشغل أول البيت و الي يحتاجوا مساحة كبيرة للكتابة .
personal زي منتوا شايفين حجمه تقريباً نص ال A5 و يناسب الي يشيلوا معاهم البلانر كل مكان اشوفه حلو للي في الجامعة تسجلي فيه مواعيد الكويزات و التسليم و كدا . 
pocket و mini شايفين الميني كيف حجمه كيوت ههههههه بس مرا صغير ينحط في الجيب و البوكيت مقاسه ربع ال A4  احس هذول ينفعوا للي ما يكتبوا اشياء كثير بس اهم الاشياء لانه مساحته صغيرة مرا .

المهم للاسف البلانر لسى ما وصل 💔 حيكمل شهر بعد كم يوم و اتواصلت مع 
الموقع قالوا مالهم دخل هما ارسلوه لشركة الشحن للاسف الموقع سئ و الخدمة سيئة جدا ما يردون على طول و راسلتهم مرا ثانية ما ردوا خالص و هذا وانا ما شحنته للسعودية توقعت انه راح يوصل اسرع تخيلوا حتى التراك نمبر ما اعطوني هوا اساساً شركة الشحن ما اعرفها 😂 مرا قاهريني هذا و انا كنت ناوية اطلب كل سنة بلانر من عندهم و الاكسسوارات تبعه عندهم مرا كيوت 💔 المهم هذا شكل البلانر الي طلبته مقاسه A5  .



كنت ابغى احط رابط البلانر من الموقع بس ما لقيته غريبة!! و هذا الموقع  . لمى فتحت الموقع دحين لقيتهم كاتبين انها وصلت ليتني كتبت البوست من أول 😂 دحين استنى احد يسافر يستلمها 💔 .

شكل البلانر من جوا .





ريفيو عن البلانر 




البلانر الي كنت حسويه هنا طريقته سهله و فيه ثلاث ثيمات مختلفة اختاري الي يناسبك و اطبعيه ❤ .

داش بورد للبلانر اذا حابة تغيري شوية في البلانر حقك هنا .

داش بوردس و لستس هنا أو هنا .

فيديو لطريقة الطباعة على الستيك نوت مرا جميلة الفكرة ان شاء الله اسويها قريب ❤ .


اخيراً و ليس آخراً اكتبوا في اليوتيوب أو القوقل (planner decoration) و شوفوا المواقع الي يطلبوا منها أو كيف يسووها ❤ .
مجموعة فيديوز للاستيكرز هنا .

السنة دي استخدمت كالندر شهري هنا مرا كيوت بس المساحة صغيرة ما تكفي كل شي يدوب اكتب 4 شغلات اذا صغرت خطي مرا . 

منظم للطالبات من مدونة الجميلة نورا هنا و كمان تنزل منظم لكل شهر بالهجري  .

افضل مواقع البلانر أو الأجندة 
kikki-k  مرا كيوت البلانرز حقه ان شاء الله السنة الجاية منه 


و للي ما تحب البلانر أو ما تحب تكتب كثير أو تحب تعتمد على الجوال هذي تطبيقات بلانر 
planner plus

week calender


cal shared


uniqlo calendar



تحديث لطلبية البلانر راسلتهم للمرة التالتة ابغى التراك نمبر و اخيراً ارسلوه بس الصدمة الشحنة لسى في امريكا 💔 كيف في الموقع كاتبين انها وصلت !! لمى توصل ان شاء الله حكتب في تويتر أو الانستا .





تحديث: 

اخيراً و الحمدلله وصل البلانر 😍 😍 راح افتحه معاكم 


اول شي شكله اول ما استلمته .



نزلت الكيسة 😍 .



شايفين كيف اللون جميل 😍😍 .





زوووووم .





اول صفحة في البلانر صفحة  الورقة الشفافة مكتوب عليها عبارة " انه يوم جديد تماماً " حبيتها حسيت فيها تفاؤل 😊 . 




الصفحة التانية مكتوب hello و بعدين فراغ تكتبي فيه اسمك و معلومات عنك .





بعدين ورقتين فاضية مدري ايش الهدف منها .






هذي الصفحتين انا كنت محسبتها ستيكر بس طلعت ورق عادي 💔 .






صفحة فيها كل الاشهر ممكن تكتبي فيها الاحداث المهمة جداً في كل شهر او الاعياد و الاحداث السنوية .




بعدها صفحة التواصل ( contacts ) تكتبي فيها ايميلات او ارقام ناس تتواصلي معاهم دي السنة تجي ٣ صفحات .






بعدين لكل شهر له صفحة فيها عبارة و رسومات بالوان جميلة او رسومات فقط مرا حلوة حق يناير 😍. 




ثاني صفحة لكل شهر منظم شهري .






الصفحة الي بعدها عبارة عن ( اهداف الشهر - اعياد الميلاد لهذا الشهر - مواعيد مهمة - اشياء مهمة للشهر ما ابغى انساها ) 😍😍 .






بعدها منظم اسبوعي كل اسبوع صفحة و الاسبوع يبدأ من يوم الاثنين .






و اخر الشهر ورقة مسطرة تكتبي فيها اي شي . 





اخر صفحة في البلانر .




رسمة شهر ماي 😍 .




حجم البلانر مقارنة بحجم الايباد .





انتهيت .









7 comments:

  1. وااااو جميل ماشاء الله ،، عاد تصدقين اتوقع أنا الوحيدة اللي للآن ماقد استخدمت بلانر ذذذذذ
    بس بجد يفتح النفس ماشاء الله .. ❤

    ReplyDelete
  2. البلانر يشوق ��
    حبيت اختيارج والاقتراحات والتطبيقات اللي ذكرتيها

    ReplyDelete
  3. ياااي مرة جميلة الاجندة 😻❤️❤️
    محتوياتها جميلة والوانها مريحة للعين ❤️
    سنة مليئة بالانجازات يارب 💙

    ReplyDelete
  4. كيووووووووووتتتت 😍💕 لالا جد يستحق الإنتظار!
    حبيت لونه والبوكا دوتس والاستيكرات والكتابة والخط 😍💭

    ReplyDelete
  5. حمدلله انه جا بالوقت لو انا مكانك كان قعدت ابكي 😂😂💔

    ReplyDelete
  6. حبيت التدوينه كثير والصور سهله الوصف حبيت اخيارك للالوان

    ReplyDelete