(start your own blog (Blogging series | ابدئي مدونتك الان دون تردد | سلسلة التدوين

السلام عليكم و رحمة الله و بركاته

يا مساء / صباح الخير 

من أول ما سويت مدونة الين اليوم و أنا أحاول قد ما أقدر أطور في مدونتي و طريقة تدويني بالنسبة للمدونة لمى اكتب في قوقل اي شي يخص المدونة للأسف ما يطلع اذا كتبت بالعربي لازم بالانجليزي لانو مافي مدونات عربية أو منتديات تشرح دا الشي ممكن بس الاقي كيف اسوي مدونة فقط لاغير للأسف في أشياء كثير ما تتوفر بالعربي مدري هل هو بخل أو طمع ما يبغو احد يستفيد او مافيهم او ايش مدري ما حطول في النقطة دي اكثر من كذا لاني اذا تحلطمت ما حسكت هههههههههه فقررت اني ابدأ سلسلة تدوين عن المدونة يعني امممممم مثلاً كيف احط قالب مجاني و اعدل في الي ابغاه أو كيف اسوي التقسيمات حق الصفحات الي تجي في فوق توهقت في اسمها هههههههههههه أو كيف أحط ايقونات برامج التواصل الإجتماعي و أشياء كثير و كل ما تعلمت شي جديد و ضبط معاي ان شاء الله راح اقولكم عنه  ❤ ، صراحة مدري ايش اسمي هالسلسلة بس شكلو تدوين يعني اذا كان اسم بطال مشو حالكم اهم شي الفايدة هههههههههه صح ولا أنا غلطانة ؟ ❤ .

بعد هذي المقدمة نبدأ الموضوع الأساسي الي هو المدونة المدونات موجودة من زمااااان بس السنتين الاخيرة مرا انتشرت في مجتمعنا خصوصاً المدونات الي تتكلم عن الجمال و الأزياء ، في المدونات الي من زمان في دا المجال و لهم جمهورهم ❤ و في الي بدأوا في الانستا بعدين توسعوا و سوا مدونة و فيه الي زي ههههههه على طول كذا سوت مدونة ❤ اعترف صراحة انو كنت مرا طفشانة من الدراسة و جالسة ع الانستا اشوف الحسابات حق الخلطات و تجارب المكياج و كذا بعدين قلت أنا احب التخبيص و احب اجرب حاجات في نفسي ليش ما اسوي زيهم و خططت و رتبت كل شي و سويت حساب انستجرام و اسبوع بالكثير و سويت مدونة تحمست ههههههههه و بديت افكر ايش اكتب فيها و اخليها لايش فكرت انها تكون لايف ستايل بلوج و بعد فترة غيرت ههههههههه خليتها مدونة جمال و ثاني شي اسلوب حياة لانو أكثر التدوينات الي أنزلها عن الجمال و في المستقبل ان شاء الله راح اسوي مواضيع متوسعة مو بس عن العناية ، الي حابة اوصله انو اذا انتي عندك شغف او حب للكتابة و نفسك تسوي مدونة سوي عادي واكتبي عن الشي الي يعجبك ممكن حتى تكتبي يوميات أو رحلاتك اذا تحبي السفر و الترحال ، تراها سهلة و لاتزعلي او تتحطمي اذا ما كان عندك مشاهدين كثير عادي اهم شي انتي تكوني مبسوطة انك تكتبي في مدونتك و ممكن تفيدي غيرك و ممكن يكون ارشيف و ذكرى لك لأشياء سويتيها أو جربتيها شفت كثير مدونات بدأت بعدي و المشاهدين و المتابعين أكثر مني و الله يزيد الخير عندي و عندهم ❤ يعني مو لازم تسوي مدونة و على طول يجيك قراء اخر البوست راح اكتب طرق ممكن تجيب لك قراء أو متابعين ، اوك انتي دحين قررتي تسوي مدونة بس محتارة تسويها فين في بلوجر ولا وورد برس ولا ويكس ...الخ ، بالنسبة لي حبيت بلوجر مرا سهل و يدعم اللغة العربية و الوورد برس برضو فيه عربي بس ما حبيته حسيته معقد و البلوجر البرجمة فيه سهلة مو لازم تكوني دارسة برمجة هذي مقارنة بين مواقع للتدوين .

زي مو شايفين الوورد برس الأفضل بس يبغالو احد شاطر في البرمجة و بالنسبة للثيمس أو القوالب في البلوقر(blogger) و الوورد برس ( wordpress) غير محدود و الباقي مدري الوورد برس حلو و عجبني صح انو استخدامو اصعب من البلوجر بس انا ما احب الاشياء المعقدة صراحة و وصفحة البلوقر ابسط منه بس هو ادق في المعلومات افكر احول عليه بعد مدة طويلة لمى اتطور زيادة ان شاء الله .

 tumblr ما اظن في أحد ما جربه بس أحس ما ينفع للتدوين الكثير و ممل ينفع اكثر لل حيسوي مدونة أو موقع لعرض صوره قصدي المصورين .

weebly ماجربت كل الي اعرفه انو ما يدعم اللغة العربية و الكلام الي في المقارنة فيديو للحابة تعرف عنو . 

squarespace موقع تدوين غير مجاني مجاني اظن لمدة شهر بس ، لكن مرررا جميل ❤ الديزاينز حقه مودرن و انيق و الحلو فيه انو لمى تسجلي تختاري أنتي ايش تبغي موقع أو متجر أو صفحة مثلا لمصور أو مهندس يعرض فيها أعمالو و الثيمس الي فيه جداً جميلة وطريقة اضافة صفحات و تغيير الثيم باختصار الصفحة الرئيسية جداً سهلة و الحلو فيه كمان نقدر انصمم اللوجو حقنا الtemplate جميل عيوبه ما في لغة عربية و غير مجاني .

wix الثيمس أو القوالب الي فيه حلوة اسوأ قوالب الي تجي في نفس الموقع حق بلوقر مرا ما حبيته ممكن البعض يحبه لأنه طريقة تعديل القالب اشبه ببرامج المايكروسوفت تضغطي على الي تبغيه يتعدل أنا ما عجبني عشان كذا و غير مجاني تماما و ما فيه عربة ممكن ينفع لموقع بزنس لكن كمدونة ما ينفع .

فوق وعدتكم اكتب طرق لزيادة المتابعين أو القراء أول طريقة هي شبكة المدونات تبع مدونة هيا و ترا مدونة هيا ❤ تقريبا هي الوحيدة الي شفت فيها شي عن المدونات و ثاني طريقة مشاركة المدونة مع السوشال ميديا يعني إذا مثلا نزلتي بوست شاركيه مع google+ و اكتبي في كل اكاونتاتك في SM انك نزلتي بوست و حطي رابط مدونتك ثالث طريقة تعلقي على مدونات غيرك لمى تعلقي احتمال احد يجي مدونتك و حيشوفوا مدونتك باذن الله . 

هذا أول بوست من السلسلة و إن شاء الله يعجبكم و تستفيدوا منو و اكتبوا في الكومنت عن ايش حابين يكون البوست الجاي في سلسلة المدونة و قررت اسميها BLOGGING ( التدوين ) لأنها تخص المدونات بس  يمكن اغيره مدري إلى الأن محتارة ايش اسميها ههههههههه و أي وحدة تشجعت تسوي مدونة بعد الموضوع تحط في الكومنت اسم مدونتها و الرابط عشان أشوفها و الي يقرأ البوست يشوفها ❤ .

الفترة الجاية حكون مرا مشغولة ، فما حنزل بوستس بس فيه بوستين اكتبهم لهم تواريخ معينة إذا خلصتهم في التاريخ إن شاء الله أنزلهم .

احبكم ❤ 
 ❤ DON'T FORGET TO FOLLOW ME ❤

instagram