التخطي إلى المحتوى الرئيسي

Day one App |Day one تطبيق



مساء / صباح الذكريات و اللحظات الجميلة  💕


اليوم راح اتكلم عن شي جديد على المدونة ما عمري تكلمت عن تطبيق بس هذا التطبيق من كم شهر و انا ابغى اتكلم عنه و قلت احسن وقت يكون بداية 2017 .



زي ما قلت هذي اول مرا اتكلم فيها عن تطبيق فما اعرف ايش النقاط الأساسية الي اكتبها عشان اتكلم عن تطبيق ، كل الي اعرفه انه التطبق جداً جميل و راح يعجب الي يحب الذكريات و يعتبرها شي اساسي زيي ، التطبيق اسمه day one التطبيق عبارة جورنل ( دفتر يومياتي ) الكتروني تكتبي في يومياتك او تصوريها ... اممم صراحة ما ادري كيف ابدأ الموضوع  😅 ، بس راح اقولكم ايش الاشياء الي في البرنامج و مواصفاته .


من مميزات البرنامج انو تقدري تسوي لك حساب بعدين بس تفتحي حسابك في مكان محمله فيه day one  تطلع لك يومياتك و كمان تقدري تعملي مشاركة للي كتبتيه في الفيس بوك / تويتر / فور سكوير / تمبلر .





هذي واجهة البرنامج اول ما تفتحيه يكون عندك خيارين الخيار الاول صورة ( شكل الكاميرا ) و الثاني كتابة ( علامة الزائد ) و بعدها زي الاحصائية كم عدد اليوميات و كم يوم و في هذا الاسبوع كم ... ، و بعده الخيارات الي باللون الابيض الي هي ( تايم لاين - الصور - التاق و غيرها ) .




الخيارت الي بالابيض راح اقولكم ايش هي بالترتيب :


اول خيار التايم لاين :




صفحة ينعرض فيها كل اليوميات .





٢- الصور :




يعرض اليوميات الي فيها صور و يكون مكتوب في الصور التاريخ و المكان و الساعة .





٣- التاقات ( tags) :




فكرة التاق مرا عاجبتني  😍 تنظم اليوميات كانها مفهرسة مثلا تاق ( سفر ) احط فيه كل اليوميات الي مصورتها في سفر او مثلاً  تاق للمطاعم احط فيه المطاعم الي رحتها .

شايفيف المستطيلين الي في اخر الصورة دي 👇هي دي التاقات ، كذا يكون شكلها في الذكرى الي كتبتيها ، بس لمى تضغطي عليها من القائمة تكون زي الصورة الي تحت هذي و يكون عندك خيارين للترتيب : الاكثر استخدام و التاني ترتيب ابجدي .







٤- الكالندر ( روزمانة ) :


يعرض الذكريات أو اليوميات حسب التاريخ .




٥- starred :
الذكريات أو اليوميات الي حطيتي لها علامة النجمة .

٦- years :
يعرض لك الذكريات أو اليوميات حسب السنة .


البرنامج يتحمل في أجهزة الماك و الايفون و الايباد

رابط تحميله في الايفون و الايباد هنا سعره 4.99$ .
لأجهزة الماك  هنا سعره 38.99$ .

للاجهزة الثانية لقيت برنامج شبيه له اسمه day journal في google play البرنامج مجاني للتحميل هنا .

انتهيت  💖


تابعيني على شبكات التواصل الاجتماعي : 


photo sig_zpsnzw9exvy.jpg

تعليقات

  1. مررررره حبيت التطبيق
    يعطيك العافيه

    ردحذف
  2. حبييت التطبيق جداً ؛ عاد انا مب بس أحبّ الذكريات
    أقدّسها بالمُختصر، ان شاءالله بتكون لي تجربة له💓.

    ردحذف
  3. حبيت فكرة التطبيق غريبة ومميزة وتناسب كثير ناس يحبون الذكريات ,, وبرافو اول تدوينة بهالمجال وجميله كذا :)

    ردحذف
  4. الله مرا حبيت الفكرة 😻
    من زمان نفسي ادون يومياتي وكذا
    بس باسألك بس انقلش ولا في عربي ؟

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .