التخطي إلى المحتوى الرئيسي

A day in London | يوم في لندن



مساء / صباح السعادة 
ترددت اكتب دي التدوينة أو ما أكتبها لسببين السبب الأول أنو فكرتها كانت أصور أول زيارة لي في لندن زي تدوينة يوم في حياتي  بس  أول مرة ماجبت كاميرتي  😶 و السبب الثاني اني قلت لمى اروح لها مرا ثانية راح أصور أول يوم من بدايته للنهاية بس برضو ما صورت  😂 بس جاء في بالي اكتبها كأني أكتي مذكراتي 😍 اتمنى تعجبكم الفكرة 💗 .



في البداية قبل لا أروح لها ما كنت مرا متحمسة لها ، ليش مو متحمسة لها مرا من  الي اشوفو في السوشال ميديا مافيها شي غير الساعة و لندن اي و الشوبينق و شارع العرب 😑 بس لمى رحتها تغيرت نظرتي لها حبيتها مرا و تمنيت أجلس فيها أكثر من كذا فيها أشياء كثير حلوة غير الشوبينق و المطاعم فيها انشطة حلوة و عروض و مسارح و مغامرات 💗 حاجات كثير ما عمري شفت احد تكلم عنها ان شاء الله باذن الله اجربها كلها يوم من الأيام . 




رحلتنا كانت بالقطار 🚆 تقريباً ساعتين و نص  إلى لندن مشينا على الساعة ٦  ، المناظر في الطريق تجنن  😍 طبيعة في كل مكان 🌳🌳و الخرفان  🐑🐑 و البقر  🐄🐂 و الخيول 🐎 و البحيرات و كمان كان الجو مطر متابعات السناب شافوا الأجواء و المناظر  الله يرزقنا الجنة  💗💖 .




اول يوم و صلنا الليل ما رحنا مكان ، ثاني يوم كان يوم التجول في شوارع لندن و استكشافها ، مرا حلو لمى تسافري مكان و تروحي تمشي بشكل عشوائي فيها تكتشفي اشياء جديدة عليك و تعرفي المكان أكثر و تشوفي كيف ستايل المكان و حياة الناس في مرا حبيت أجواء الدوام في لندن 😂 جد لمى شفت الشوارع الزحمة الكل رايح على دوامه و كلهم معاهم كوب الكوفي حقهم و لابسين رسمي حسيت اني وسط فيلم و تحمست أروح دوام ، و نحن نمشي حصلنا مطعم لبناني اسمه حبيبة الحمص حقهم لذيذ و عصير البرتقال بس الفلافل ما حبيتها و بعدين رحنا شارع العرب ، شارع العرب صراحة رهييب  😍 كل شي فيه عربي و مطاعم عربية كثير و أهم شي كلو حلال حبيت أجوائه في المغرب و هذيك المنطق و عند شارع اكسفورد ما كانك في لندن حسيت اني في دولة عربية من كثر العرب ما شاء الله  و ستايل المحلات في شارع العرب ذكرني بمصر حسيت نفس محلات الحارات الشعبية هناك . 




 ثالث يوم رحنا جهة اللندن آي البواب حق الفندق قالنا من الفندق لين اللندن آي ٢٠ دقيقة مشي فرحنا مشي و في النهاية طلعت مرا بعيدة  😒 و أخذنا تاكسي و سألناه على مطاعم قال لنا بعد الجسر تلاقوا مطاعم كثير و في عربية و مشينا تحت الجسر المكان هناك مخلينه مكان للرسم الجرافيتي مرا يجنن  😍 و قالوا أنه كل يوم تتغير الرسمات بالذات في الويكند تلاقيها تتغير كلها ، و ما مرينا الجسر ما حصلنا مطاعم رحنا 😢كوفي جريجس زي كوستا و ستاربكس منتشر في بريطانيا  الي تروحوا تجرب بيتزا المارغريتا و ساندويتش تندوري مرا يجنن طعمه و بعد ما استكشفنا المنطقة  مشينا للاكسفورد و بعد كذا قريب المغرب رحنا مرا ثانية لللندن آي ع اساس نركبها بس طلعت  خربانة 💔 نحيسة أنا  😂 و جلسنا لحد الغروب ، و رابع من الصباح كان موعد الرجعة .

حبيت لندن و لي رجعة لها قريب بإذن الله وجهة جميلة لسفرة عائلية و أجمل للتسوق 😍 😂 شيئين مزعجة فيها الزحمة و المواصلات غالية . 





هذول مدري ايش قصتهم بس كانو اثنين وحدة فيها بنات و الثانية أولاد كانهم يتسابقوا او يسوا رياضة الله أعلم .












انتهت التدوينة اتمنى تعجبكم 💕

تابعيني على شبكات التواصل الاجتماعي : 



أو 
 


photo sig_zpsnzw9exvy.jpg

تعليقات

  1. تدووينه لطططيفه ♡♡
    أنا مشاعري اتجاه لندن بالضبط زي مشاعرك سابقا..
    ما قد تحمست أروح لها لأني أحس عرفت الأماكن اللي يروحون لها الناس بالعادة ولا اشوفها شي يحمس ��
    بس جد حمستيني لها.. كثير مدن تطلع من خشمنا بالصور بس ننصدم اذا رحنا لها وعشنا جوها وعقبالي ما ازور لندن في أيام جميلة ♡

    ردحذف
    الردود
    1. ان شاء الله يمكن تجي و انا لسى هنا 😍الله حماس يلا تعالي 😂

      حذف
  2. حبيت الصور وحبيت وصفك ،أتمنى إني أزور لندن يوماً ما ، بس أنا جوي بالسفرات أحب أكتشف معالم كل مدينه وحضاراتها وأشياء عن تاريخها ، وأسوي أنشطه متعدده فأحس حلو أن في أشخاص رائعين مثلك يشاركونا تجاربهم ، أحس كذا قبل أزور كل مدينه أتعرف على كم شيء قبل عشان ما تنتهي رحلتي وباقي في شيء حلو مازرته 😂❤.
    يعطيك العافيه يا لطيفه ⭐️✨

    ردحذف
    الردود
    1. إن شاء الله تزوريها 💕 ، حتعجبك لأنه فيها متاحف و معالم سياحية كثير

      حذف
  3. ااااه ي لندن
    امنيتي ازورها واجلس في الهايد بارك 😍💔

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .