التخطي إلى المحتوى الرئيسي

تجربتي للماسكات الكورية : القناع المطاطي / modeling mask


صباح / مساء الخيرات 

اليوم راح اتكلم عن ثاني نوع جربته من الماسكات الكورية و الشرق آسيوية هنا الموضوع الأول و ما سك اليوم هو المودلينق ( modeling ) ماسك أو الماسك المطاطي 💆 أنا بصراحة اسميه ماسك الجبس 😂 ، انتشر عند الاجانب من ٢٠١٥ بس ما كان عليه ضجة كبيرة و عندنا ما شفت أحد يتكلم عنه على إنه مرا حلو . 


فكرته ماسك يجي على شكل بودرة و تحطي لها موية لحد ما يسير قوامه شبيه بالجل أو المطاط شي لزج و تحطيه في الوجه من ١٠ -١٥ دقيقة و لمى ينشف يكون متماسك بس مو قاسي يكون من جد يشبه المطاط عاد إن شاء الشرح مفهوم راح احط لكم اخر شي فيديو للطريقة ، الي يميزه إنه نتيجته فورية  من أول استخدام تبين النوع الي عنده اسمه انوفيس (inoface)  و فيه أنواع ثانية منها ايتانج  (ettang) هذا النوع موجود بسيفورا الامارات و ايتود هاوس .

تجربتي : 
أول ما جاني و عرفت فكرته مرا تحمست له و أختي و بنت عمي جربوه حبيت نتيجته و تحمست زيادة بالذات على الي بالكولاجين بس للأسف ما استخدمته إلا بعد سنة 😅😂 هو أنواع في بالكولاجين لتنوير البشرة ، الفيتامين لتنوير و تحسين البشر ، الكلوريلا لتحسين و موازنة الدهون في البشرة ، زيت شجرة الشاهي لمشاكل البشر و التحكم بالدهون ، النعناع لانعاش البشرة و أنواع كثير كل واحد شي كل الأنواع موجودة في الصورة الي فوق 👆،  أول واحد جربته كان الي بالكولاجين لأني شفت نتيجته من قبل ممكن تشوفوا اني أبالغ بس من جد نتيجته مرا روعة يخلي الوجه منور جداً و نضر و ناعم و البشرة تبان نظيفة 😅 أقصد يزيل الشوائب السطحية لأنو ما ينظف تنظيف عميق و النوع الثاني الي جربته هو الكلوريلا استخدمته بعد ما خلص موسم الزواجات بشرتي كانت تعبانة و طلعت لي حبوب بسبب المكياج لاحظت أنه نظف البشرة و حتى المسام نظفها و المسام صغرت و كمان ما سارت تطلع لي حبوب بس مدري هي منه ولا عشان وقفت مكياج الله أعلم و كمان زي أي قناع ينعم البشرة بس ما خلاها منورة زي الي بالكولاجين و الباقي لسى ما جربته . 



هذي صورة لماسك الكلوريلا بعد ما نزلته . 






نلتقي في تدوينة جديدة بإذن الله 💗


تابعيني على شبكات التواصل الاجتماعي : 



أو 


و عشان توصلك التدوينات أول  بأول على المربع الأزرق الي مكتوب فيه متابعة 💗
photo sig_zpsnzw9exvy.jpg

تعليقات

  1. الله علبهم ذكرتهم بالايسكريم 😋
    أحب الماسكات اعششقهم ، ماقيد جربت الجاهزة بس وصفك يحمس

    ردحذف
    الردود
    1. جد العلب مرا كيوت 😍 منتجات شرق اسيا دايما الباكجينق حقها كيوت

      حذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .