التخطي إلى المحتوى الرئيسي

طريقتي في وضع كريم الأساس



مساء / صباح الخير 

من اهم خطوات مكياج المناسبات الكبيرة بالنسبة لي الحواجب تكون نظيفة و مرتبة و الشي الثاني الفاونديشن يكون نظيف و مو كيكي و رسمة الايلاينر تكون مضبوطة و الروج نظيف و مرتب 💋 و لاني ما احب الفاونديشنز ( كريمات الاساس ) الي تكون تغطيتها قوية دايماً اشتري خفيف أو متوسط مع الحر و لأنو بشرتي مختلطة في نص المناسبة يختفي الفاونديشن 😕 و مرة كنت اتفرج فيديو في اليوتيوب تكنيك لتثبيت الفاونديشن فترة أطول و جد نتيجتها حلوة حسيت بقيمتها في مناسبات الصيف ، التكنيك جداً سهل ما ياخذ وقت كثير إذا اضفتيه في روتين ماكياجك بس نتيجته تفرق كثير 😍✨ .

طريقتي في وضع كريم الأساس : 



الخطوة الأولى و هي التكنيك الي قلت عنه بعد ما انظف و اهيء بشرتي للمكياج و أحط البرايمر للأمانة البرايمر بالنسبة لي خطوة مو مهمة ما اسويها دايماً على انه يفرق في الماكياج بس اسحب عليه 😬 اخذ شوية لوس باودر و أحطها بطريقة الطبطبة بالبيوتي بليندر على كامل وجهي أو ممكن على منطقة التي زون احب اسويها بس وقت الضرورة لأنها تخلي الفاونديشن مات . 

ملاحظة : الطريقة تنفع كمان بالبودرة المضغوطة ما جربت بس احس اذا سويت بالبودرة العادية ممكن الفاونديشن ما يسير مطفي 🤔 ان شاء الله اجرب و اكتب لكم تحديث للنتيجة 😊. 



دحين نجي للفاونديشن في الي هو الأساس يعني احيانا ابدأ من خطوة رقم ٢ لأنو الأولى مو دايماً مهمة ، حاليا استخدم فاونديشن بورجوا هيلثي مكس للآن حابته تغطيته من خفيف إلى متوسط بالنسبة لي اشوفها حلوة استخدمته و وجهي مليان اثار غطاها بس كان في كم حبة حطيت لها كونسيلر و سار الوجه صافي مكتوب انه نهايته ديوي بس ما اشوفه ديوي احسه زي حق ريميل ماتش بيرفيكشن يعطي نهاية مخملية و يعطي لوك انو البشرة نظرة و مشرقة و فعلاً مظهر صحي .






الخطوة الثانية أوزع الفاونديشن على كامل الوجه بالفرشه الفلات و بعدين ادمجه بشويش بحركة خفيفة بالفرشة البف و إذا كنت مستعجلة أوزع و ادمج في نفس الوقت بالفرشة البف خطوة التوزيع بالفرشة الفلات زمان ما كنت اسويها لي ممكن شهرين اسويها حسيت انها تخلي تغطية الفاونديشن أفضل .


الخطوة الثالثة آخر شي استخدم البيوتي بليندر بطريقة الطبطبة و تكون بشويش على كل الوجه عشان تشيل الكمية الزايدة من الفاونديشن مهم تستخدمي البيوتي بليندر بطريقة الطبطبة احس الكلمة مضحكة 😂  المهم  لأنو إذا استخدمتيها بطريقة تمسحي بيها في كل مكان حتخرب تغطية الفاونديشن و ممكن ينمسح من وجهك . 


الخطوة الرابعة : للي فيهم مسام و تبين لمى تحطي الفاونديشن لمى تدمجي الفاونديشن بالفرشة البف اضغطي على الأماكن الي فيها مسام كانك تعبيها و عيدي كمان نفس الطريقة في خطوة البيوتي بليندر و إذا ما راحت في طريقة شفتها في سناب وعد التركي الي هي تاخذي شوية لوس باودر و بالبيوتي بليندر تطبطي على أماكن المسامكن كأنك تعبيها ، الطرق كلها بطلة عن تجربة 👌.


آخر شي نقطة جداً مهمة وهي إزالة المكياج بعد المناسبة احرصي إنك تنظفي بشرتك من كل المكياج عشان تحافظي عليها و ما تنعدم ولا تطلع حبوب و الأفضل كمان ترطبيها 👌 💕  .
و اللي تجرب طريقتي تقولي رأيها هنا أو في تويتر أو سناب أو انستجرام الي تحبيه 💕


تابعيني على شبكات التواصل الاجتماعي : 



أو 

و عشان توصلك التدوينات أول  بأول على المربع الأزرق الي مكتوب فيه متابعة 💗
photo sig_zpsnzw9exvy.jpg

تعليقات

  1. أحب النهاية المخملية ، عجبتني طريقتك تنفع كثيرات للي التي زون عندهم دهني ..
    يعطيك العافية ❤︎

    ردحذف
  2. بوست يا ف وقته، حالياً فتره دوامات ومع الحرّ الفاونديشن يختفي
    او منطقة التي زون تبدا تلمع ، بجرب طريقتج و ان شاءالله تنفع ،
    يعطيج العافية لولا❤︎

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .