التخطي إلى المحتوى الرئيسي

ايش الأشياء إلي خلصتها في الإجازة


مساء / صباح الخير 

تدوينة اليوم جديدة على المدونة و خفيفة ، السنة هذي الاجازة كانت جداً طويلة و من طولها في أشياء كثير خلصتها من ( منتجات ، كتب ، مسلسلات ، إلخ ... ) اليوم راح أكلمكم عنها و أقولكم رأي . 


المكياج : 


روج سيفورا درجة رقم 01 
أول شي أنا أعشق درجات الأحمر ❤️ في الأرواج و هذي الدرجة من أجمل الدرجات الي جربتها ❤️ نوع الروج مطفي و ثابت و ما يشقق الشفايف . 


روج كولور بوب بمبل Bumble 

من الدرجات المفضلة عندي سواء يومي أو مناسبات لونه حلو دافي معرف ايش درجته بالضبط 😅 بس لونه روز على اورنج الرجين تكلمت عنها في تدوينة مقارنة بين الأرواج المطفية  


ماسكارا ميبليين The colossal go extreme  
دايماً اتكلم عنها في السناب ، أعتبرها البديل الأرخص لماسكارا تو فيسد .


ايلاينر ذا بالم 

أحبه 💕 أول شي لأنه فرشته استخدامها سهل و ثاني شي لونه اسسود سواده مرا حلو . 
بلشر بيتشيكيين Peachykeen من ماك 
بلشر شيمر لونه خوخي مرا احبه لمى رجعت من جدة لقيته مكسور سار له حادث في الطيارة 😭 ، البلشرات الخوخي من أحب درجات البلشر . 


هل ممكن أرجع اشتريها ؟ كلها ممكن ارجع اشتريها لأنهم عاجبيني 👍


منتجات العناية بالبشرة : 


سبوت واند من بوتس :
منتج يعالج الحبوب الي تطلع فجأة تكلمت عنه هنا .


مقشر سوب آند غلوري 
تكلمت عنه في تدوينة مشترياتي و مفضلاتي الفرة الآخيرة  .


غسول جسم مرطب من دوف بزبدة الشيا و الفانيلا 
أنا من عشاق منتجات دوف حق الجسم سعرها حلو و جودتها حلوة بس هذا 😶 ريحته مرا حبيتها بس مشكلته كأنه بلسم ما ينزل بسهولة يطفش . 


هل ممكن أرجع اشتريها ؟ المقشر و السبوت واند اكيد بس الغسول لا .



منتجات الشعر : 


بخاخ فك التشابك من تشارلز ورثينتون  charles worthington 
تكلمت عنه في تدونية مشترياتي و مفضلاتي الفرة الآخيرة  ، يفيد الناس الكسولة الي ما تحب تتعب نفسها لمى تمشط 😅 أمزح بس لأنو شعري جاف و متشابك اخاف عليه لمى امشطه لأنه يتساقط كثير 💔 ف أحب استخدم هذا البخاخ ابخه ع الشعر و أمشطه يسير يتمشط بسرعة لانو التشابك ينفك . 


زيت الأركان من لي ستافوور 

هذا الزيت مرا احبه 💕 كتبت عنه في تدوينة تجربتي لمنتجات لي ستافور بزيت الأرجان . 


هل ممكن أرجع اشتريها ؟ أكيد مرا حبيتهم 💖 



أفلام و مسلسلات : 


مسلسل Pretty little lires s7 

المسلسل هذا اتابعه من ٢٠١١ 😶 و لسى خلص في شوال هوا دراما و غموض في البداية كان مرا عاجبني بس من الجزء الرابع أظن بدأ يسير بايخ حركات المسلسلات هذي الي يطولون الاحداث مرا تنرفز بس ما أحب اسحب على شي و كملت المهم نهاية المسلسل مرا ما تخطر على البال .


مسلسل The 100 s4 

خيال علمي و غموض و شوية دراما ، الجزء الأول كان مرا يجنن الثاني بدا يشين الثالث مو مرا حبيته الرابع روعة و مرا تحمست للخامس 😍 بيكون ٦ حلقات بس هوا كل الأجزاء أقل من ٢٠ حلقة .


مسلسل Shadowhunters 

خيال ، فنتازيا و دراما تابعته عشان الفيلم من نفس القصة كان مرا عاجبني و طلع حلو و دحين خلص الجزء الثاني . 


الافلام للأسف طارت كل الاسماء من راسي مو فاكرة ولا واحد 😅




كتب :  

كنت مخططة أقرأ أقل شي ٤ كتب في الإجازة بس ما قريت إلا كتاب واحد . 

كتاب اخلع حذائك 
من أول ما طلع و أنا متحمسة له لأنه فكرته زي كتاب بيكاسو و ستاربكس بس للأسف صدمني مرا مو زي ما توقعت بالنسبة لي ما يقارن ببيكاسو و ستاربكس هذاك مواضيعه احلى بالذات المواضيع الي في بداية الكتاب أحس ما منها فايدة في مواضيع عجبتني و هي : 
الفائضون عن اللزوم صفحة ٣٩
الشيلة صفحة ٤٣ جميلة هي و روح الإتحاد ٥١ 
من أين يأتي الإلهام 👍 صفحة ٦٤ 
الساقي صفحة ٧٥
العامل المنسي ٨٩
محبة مبللة صفحة ١٠٦
الأشياء التي تعبرنا صفحة ١٤٨ و البعير بلال ١٤٤ 
حكايات الأرصفة 💗 صفحة ١٧٢
شريان الماء صفحة ١٧٦ 

و إنتوا كيف كانت إجازتكم ايش سويتوا فيها؟


انتظروني في تدوينة الأسبوع الجاي إن شاء الله 😘 .


تابعيني على شبكات التواصل الاجتماعي : 



أو 


photo sig_zpsnzw9exvy.jpg


تعليقات

  1. حبيت فكرة التدوينة 😻
    كانها ديسكفري سناب 🙈
    روج سيفورا درجته اسرتني ، بلاشر ماك اتخيله للدوام فضضضيع

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .