مساء / صباح الخير
تدوينة اليوم جديدة على المدونة و خفيفة ، السنة هذي الاجازة كانت جداً طويلة و من طولها في أشياء كثير خلصتها من ( منتجات ، كتب ، مسلسلات ، إلخ ... ) اليوم راح أكلمكم عنها و أقولكم رأي .
المكياج :
أول شي أنا أعشق درجات الأحمر ❤️ في الأرواج و هذي الدرجة من أجمل الدرجات الي جربتها ❤️ نوع الروج مطفي و ثابت و ما يشقق الشفايف .
روج كولور بوب بمبل Bumble
من الدرجات المفضلة عندي سواء يومي أو مناسبات لونه حلو دافي معرف ايش درجته بالضبط 😅 بس لونه روز على اورنج الرجين تكلمت عنها في تدوينة مقارنة بين الأرواج المطفية .
دايماً اتكلم عنها في السناب ، أعتبرها البديل الأرخص لماسكارا تو فيسد .
ايلاينر ذا بالم
أحبه 💕 أول شي لأنه فرشته استخدامها سهل و ثاني شي لونه اسسود سواده مرا حلو .
بلشر شيمر لونه خوخي مرا احبه لمى رجعت من جدة لقيته مكسور سار له حادث في الطيارة 😭 ، البلشرات الخوخي من أحب درجات البلشر .
هل ممكن أرجع اشتريها ؟ كلها ممكن ارجع اشتريها لأنهم عاجبيني 👍
منتجات العناية بالبشرة :
منتج يعالج الحبوب الي تطلع فجأة تكلمت عنه هنا .
تكلمت عنه في تدوينة مشترياتي و مفضلاتي الفرة الآخيرة .
أنا من عشاق منتجات دوف حق الجسم سعرها حلو و جودتها حلوة بس هذا 😶 ريحته مرا حبيتها بس مشكلته كأنه بلسم ما ينزل بسهولة يطفش .
هل ممكن أرجع اشتريها ؟ المقشر و السبوت واند اكيد بس الغسول لا .
منتجات الشعر :
تكلمت عنه في تدونية مشترياتي و مفضلاتي الفرة الآخيرة ، يفيد الناس الكسولة الي ما تحب تتعب نفسها لمى تمشط 😅 أمزح بس لأنو شعري جاف و متشابك اخاف عليه لمى امشطه لأنه يتساقط كثير 💔 ف أحب استخدم هذا البخاخ ابخه ع الشعر و أمشطه يسير يتمشط بسرعة لانو التشابك ينفك .
زيت الأركان من لي ستافوور
هذا الزيت مرا احبه 💕 كتبت عنه في تدوينة تجربتي لمنتجات لي ستافور بزيت الأرجان .
هل ممكن أرجع اشتريها ؟ أكيد مرا حبيتهم 💖
أفلام و مسلسلات :
مسلسل Pretty little lires s7
المسلسل هذا اتابعه من ٢٠١١ 😶 و لسى خلص في شوال هوا دراما و غموض في البداية كان مرا عاجبني بس من الجزء الرابع أظن بدأ يسير بايخ حركات المسلسلات هذي الي يطولون الاحداث مرا تنرفز بس ما أحب اسحب على شي و كملت المهم نهاية المسلسل مرا ما تخطر على البال .
مسلسل The 100 s4
خيال علمي و غموض و شوية دراما ، الجزء الأول كان مرا يجنن الثاني بدا يشين الثالث مو مرا حبيته الرابع روعة و مرا تحمست للخامس 😍 بيكون ٦ حلقات بس هوا كل الأجزاء أقل من ٢٠ حلقة .
مسلسل Shadowhunters
خيال ، فنتازيا و دراما تابعته عشان الفيلم من نفس القصة كان مرا عاجبني و طلع حلو و دحين خلص الجزء الثاني .
الافلام للأسف طارت كل الاسماء من راسي مو فاكرة ولا واحد 😅
كتب :
كنت مخططة أقرأ أقل شي ٤ كتب في الإجازة بس ما قريت إلا كتاب واحد .
من أول ما طلع و أنا متحمسة له لأنه فكرته زي كتاب بيكاسو و ستاربكس بس للأسف صدمني مرا مو زي ما توقعت بالنسبة لي ما يقارن ببيكاسو و ستاربكس هذاك مواضيعه احلى بالذات المواضيع الي في بداية الكتاب أحس ما منها فايدة في مواضيع عجبتني و هي :
الفائضون عن اللزوم صفحة ٣٩
الشيلة صفحة ٤٣ جميلة هي و روح الإتحاد ٥١
من أين يأتي الإلهام 👍 صفحة ٦٤
الساقي صفحة ٧٥
العامل المنسي ٨٩
محبة مبللة صفحة ١٠٦
الأشياء التي تعبرنا صفحة ١٤٨ و البعير بلال ١٤٤
حكايات الأرصفة 💗 صفحة ١٧٢
شريان الماء صفحة ١٧٦
و إنتوا كيف كانت إجازتكم ايش سويتوا فيها؟
انتظروني في تدوينة الأسبوع الجاي إن شاء الله 😘 .
تابعيني على شبكات التواصل الاجتماعي :
أو
حبيت فكرة التدوينة 😻
ردحذفكانها ديسكفري سناب 🙈
روج سيفورا درجته اسرتني ، بلاشر ماك اتخيله للدوام فضضضيع