ريفيو ماسكارا ايسنس البنك

مساء / صباح الخير 
تدوينة اليوم تتكلم عن تجربتي  لماسكارا ايسنس I love extreme crazy volume الوردية تحمست اشتريها لمى شفت عليها مدح و سعرها خيالي بالنسبة للمدح  و كمان لمى جيت اشتريها ما حصلتها بسهولة في كل مكان مخلصة فجد لمى اشتريتها عيني سارت كذا 😍 و أخيرا اشتريتها 💃 😂 . 

رأي فيها امممم 🤔 يعني سوادها حلو و تطول الرموش بس ما حسيت انها تعطي كثافة بس تبرز الرموش بداية استخدامها ما حبيتها ليش لأنو فرشتها تاخذ كمية كبيرة فتخلي الرموش مكتلة و ملصقة فرشتها شعيراتها مرا صغيرة عشان توصل لكل الرموش تغطيها كلها و هذا شي حلو بس انها تاخذ كمية فسرت قبل لا اسويها امسح الفرشة عشان لا تعدم وجهي و بعدين لمى قلت سرت استخدمها عادي و حبيتها 💗 و حلوة كمان للرموش السفلية 👍 و لاحظت انها بعد كم ساعة ما تذوب فيه بعض الماسكرات بعد فترة تعدم تحت العين هذي لا و هذا أكيد شي حلو لمى اشتريتها اشتريت لأختي معايا و قالت مرا عجبتها و مرا تطول الرموش و لمى تزيلها ما تنزل الرموش زي بعض أنواع الماسكرات بس حسيت مدحها مرا مبالغ فيه  . 

سعرها :  2.80£ 

هل ممكن اشتريها مرا ثانية ؟ ناوية أجرب نوع ثاني من ايسنس بالنسبة لي ما حبيتها مرا من الأشياء المهمة عندي في الماسكرا إنها تعكف الرموش هذي ما تسوي كذا بس كيومية حلوة لكن أكيد حلاقي أنواع غيرها من ايسنس أحلى منها  . 

انتهت التدوينة اتوقع هذي أول تدوينة اكتبها بدون كلام كثير 😂اشوفكم الأسبوع الجاي بتدوينة جديدة 💗 .

تابعيني على شبكات التواصل الاجتماعي : 

instagram

twitter

snapchat

أو 

و عشان توصلك التدوينات أول  بأول على المربع الأزرق الي مكتوب فيه متابعة 💗