صباح / مساء اللذاذة 👩🏻🍳
وصفة اليوم أمس كانت أول تجربة لي في تذوقها و عملها و أول مرة أسمع فيها😅 و مرة حبيت طعمها😍 و كيف إنها سهلة 😍 فقلت لازم أوثقها و أشاركم طريقتها👩🏻💻 عشان تجربوا الوصفة 👩🏻🍳 ، اليوركشاير بودنج خبز انجلزي و اسكتلندي معروف يتقدم مع الوجبات خاصة اللحوم بس صراحة ما عمري شفته🤔 في اي مكان المهم هو يجي قطع صغيرة كذا نفس هذي الصور 👇🏼كل الطرق الي شفتها نفس الشي بس أنا 😎 إخترعت طريقة حسيته بيطلع حلو و طلع بيرفكتو 👍🏼😍...
المقادير:
- بيضتين حجم وسط .
- ١٠٠ مل حليب سائل .
-١٠٠ جرام دقيق تقريباً كوب .
- رشة ملح أو تقريباً ملعقة صغيرة .
الطريقة :
أول شي نحط زيت دوار الشمس في الصينية تقريباً يغطي ٣-٢ سم و نحطها في الفرن لمدة ١٥ دقيقة درجة ١٩٠c
و على ما يسخن الزيت نخفق البيض و بالخاقة اليدوية و وبعدين نحط الحليب و نخفق شوي و الديقيق و الملح الخليط ماهو مرا ثقيل ولا خفيف عشان تعرفي إنه تمام شيلي شوي بملعقة حديد و رجعيه إذا بقي خليط في الملعقة ما نزل كله يعني تمام 👍🏼
بعد ما يسخن الزيت نحط الخليط في الصينية و نخليه في الفرن لمدة ٢٠-٢٥ دقيقة و لا تفتحي الفرن إلا لمى تشوفيه انطبخ بعدين عادي شيكي عليه إذا جهز أو لا .
نجي لطريقتي 😎
لأنو ما عندي صينية كوب كيك و شفت شكله كذا محفور في النص قررت أسويه في أصغر صينية عندي و بعدين حشيته بحشوة دجاج و بطلطس تقدري تسوي إلي تحبيه دجاج/ لحم/ تونا/ خضار/ سمك أي شي و بعدين رشيت فوقه جبنة موزريلا 🧀 و خليتها تتحمر و طلعت طبق جميل إنضاف للسفرة 💕 .
 |
| قبل لا أحطها في الفرن عشان تتحمر الجبنة |
فيديو لسناباتي لمى سويتها
و بكذا انتهت التدوينة الي تسويها بالعافية مقدماً💞 و لا تنسي تشاركيني صورها 💞.
تابعيني على شبكات التواصل الاجتماعي :
و عشان توصلك التدوينات أول بأول على المربع الأزرق الي مكتوب فيه متابعة 💗
تعليقات
إرسال تعليق