صباح / مساء الخير يا حلوين بما انه الفترة الجاية موسم مناسبات عيد ✨و زواجات 👰🏻 و حفلات تخرج 👩🏻🎓 و كله فجلست جلسة حلوة و عصرت دماغي 🧠عشان اطلع لكم أفكار تلهمكم في الهدايا بالذات المتوهقين و مو عارفين ايش يشتروا hi guys 🙋🏻♀️ اوكي 👩🏻💻 النية كانت أقسمها مراهقات و شابات و كبار و كذا 😅 بس ما ضبطت نص الأفكار تنفع للكل🤔 يلا نبدأ اقتراحات الهدايا...
- شنطة يد اذا هي تحب الشنط 👜 خذوا شنطة حسب ميزانتيكم .
- أدوات قرطاسية للي يحبوا هذي الشغلات طبعاً أحس بتكون هدية حلوة لهم تجيبلهم أشياء كيوت متنوعة.
- أدوات رسم 👩🏽🎨 للي تحب الرسم مثلاً ألوان أو طقم فرش .
- اذا وحدة لسى بدأت تتعلم ع الميك اب أدوات أساسية مثلا بودرة حواجب و ماسكرا و كحل و روج و تخطيها في شنطة ماكياج كيوت أو ممكن تسجليها في دورة ميك اب و تقدميها هدية .
- فكرة هدية لمحبات المكياج تجيبي لها أجدد باليت في السوق من أي براند أو براند هي تحبه.
- ممكن كمان تاخذي لها مجموعة ميك حجم ميني عشان تجرب أشياء جديدة.
- مجموعة عناية من بودي شوب او لوكسيتان او اَي محل من هذي المحلات .
- شمعة بريحة مع باث بومب و كوب و بيجامة مثلاً و شوكلت لسبا داي و تحطيها في بوكس او سلة .
- عطر مع مجومعته كريم و غسول يعني العطور الي تجي في بوكس مع شي إضافي زي كذا عطور حلوة للمراهقات زي مثلاً عطر جوتشي فلورا الأخضر و الوردي / عطر شجرة الكرز من بودي شوب و كمان من العطور حلوة للعرايس شانيل تشانس الوردي vive و الأخضر / ايف سان لوران بلاك اوبيوم و عطور حلوة للكبار في السن و الشابات عطر داليا ديفن / عطر فرساتشي كريستال كلهم حلوين و من العطور الي احس تنفع للفئات عمرية كثير عطور لوكسيتان في عطور كثير في السوق بأسعار مختلفة بس أهم شي تكوني تعرفي ذوق الي بتشتري لها .
- بما اننا في سيرة العطور من الهدايا الحلوة دهن العود و المسك و العطور الزيتية .
- هدية حلوة للحوامل كاميرا فورية و وهذيك الي زي الجبس عشان بصمة البيبيما اعرف اسمها😅.
- أساور مونيكا ڤايندر جودتها ممتازة و أسعارة تعتبر حلوة و في كيت سبيد و هنري بندل و جس و جوسي كوتور و كثير محلات غيرهم .
- اكسسوارات مطلية سواء سلسلة أو طقم ناعم أو خاتم أي شي تحبي .
- مثلاً إلي عندها سفرة في الإجازة تجيبي لها مجموعة منتجات عناية بحجم صغير حق السفر.
- إذا عارفة إنها بتروح مكان ينفع للتنان تجيبي لها شنطة بحر فيها منتجات التان .
- مجموعة ماسكات للوجه .
أفكار هدايا رجالية :
- عطر ديور سوفاج / جوتشي جلتي / بلو شانيل / الور هوم / ايف سان لوران هوم هذا جا في بالي و اكيد في غيرها راح تعجبكم .
- بلايستيشن عاد أحسه ينفع هدية للإناث و الذكور .
- بطاقة شراء للبلايستيشن.
- يد بلايستيشن.
- خاتم حجر كريم .
- دهن عود .
- كبك.
- أدوات حلاقة.
هدايا تنفع للرجال و البنات:
- كاميرا.
- بلايستيشن .
- عدسة كاميرا .
- كاميرا فورية .
- طابعة صور hp.
- كتاب .
- ساعة .
- بخور .
- جوال .
- كڤر جوال .
- محفظة او كارد هولدر فيه اسم او حرف المهدي له .
- نظارة شمسية بما إنه صيف.
- سماعات .
صور للإلهام 💗...
انتهت التدوينة اتمنى تفيدكم و كل عام و أنتم بخير و عيدكم مبارك مقدماً 💕
تابعيني على شبكات التواصل الاجتماعي :
و عشان توصلك التدوينات أول بأول على المربع الأزرق الي مكتوب فيه متابعة 💗
حبيت كثير الموضوع..
ردحذفيعطيك العافية ما تقصري