موضوع اليوم عن زي مو مكتوب في العنوان راح اقولكم كيف نقصت 6 كيلو في صيف 2019 قبل أبدأ في الأشياء الي سويتها لازم احكيكم شوية قصتي مع الدايت 😅، يلا بسم الله نبدأ...
أول شي أنا وحدة مرة ما أحب الدايت و الحمدلله طبيعة جسمي ما امتن بسرعة و مرة أحب الأكل و مقدس عندي و للأسف طفشانة، زعلانة، معصبة اي شي آكل 🙄 جربت زمان كم مرة اسوي دايت ما قدرت ما احب احرم نفسي و صراحة الأكل عندي من الأشياء الممتعة و مرة عادي عندي أفطر بيتزا 🍕🍕 الله كان احلى شي لمى تزيد بيتزا و اكلها في الفطور 🤤🤩 بس في 2019 حسيت اني خربتها بزيادة استوعبت انو اكلي السنوات الأخيرة مرة غير صحي و الخضار مرة نادر أكلها و وزني بدأ يزيد و ملابسي بدأت تضيق، و مرة لمى شفت وزني لقيت انه سار 60 مرة ثانية حسيت انه خلاص اوفر لازم امسك نفسي في الأكل و كمان لازم اتحكم في اكل المشاعر و اكل آكل صحي خصوصاً اني سرت احس بخمول كثير و تعب يعني جلست أقنع نفسي و سويت دايت وسحبت إذا ما خابت ذاكرتي قريب رمضان قررت يكفي لازم سوي شي.
حطيت لي أهداف عشان تحفزني، اكثر هدف كنت مركزة عليه هو انه احاول اخلي نمط حياتي صحي قدر الامكان و تحديت نفسي اني التزم و الحمدلله التزمت.
طريقتي:
قبل لا أبدأ أنا مو خبيرة في هذا المجال مجرد أشارككم تجربتي و الي يضبط معاي ممكن ما يضبط مع غيري، بما إني أحب الأكل و أحب المخبوزات قررت اني اسوي حمية السعرات لكل يوم عدد سعرات معينة و اخفف الاكل راح احطها لكم كنقاط افضل:
- احسب السعرات الحرارية كنت استخدم تطبيق مرة رهيب راح احطه اخر شي.
-اقلل من اكل الكربوهيدرات.
-اتجنب اكل المطاعم كنت اسوي لي يوم عادي كل اسبوعين او احياناً كل اسبوع.
- احلى شي سويته ممنوع أكل مقلي في زيت كثير خصوصاً حق المطاعم ممكن آكل بس في اليوم المفتوح .
-اشرب مويا كثير، المويا تساعدك تنحفي و تخفف الشهية و تعطيق طاقة و نشاط.
- رياضة بس ما قدرت التزم بسبب ظهري فسار مشي يوميا 10000 خطوة، عارفين انو ١٠ دقايق مشي تطلعع تقريباً من ٩٠٠-١١٠٠ خطوة حسب سرعتك.
ـ احاول امتنع عن السكر بما إني أحب الحلى هذي الخطوة كانت صعبة علي شوية كل شي لازم احط له سكر بس فخورة اني تجاوزتها و سرت عادي اشرب حليب بارد بدون سكر.
أشياء ساعدتني في خسارة الوزن:
-يومياً اشرب ليمون مع زنجبيل اشربه في الليل أو قبل المشي ما قدرت اتقبله ع الريق و احسه مرة فرق و فعلاً ساعدني بالذات في منطقة البطن و إذا يوم ما شربته اشرب شاي أخضر🍵.
-هذي النقطة غريبة شوية 😅 بس كنت لمى اجوع او اشتهي حلى اتفرج لصور اكل و حلى و طريقتهم في الانستقرام و اليوتيوب و بعدين اكل لي تفاحة او اي فاكهة كسناك 😂 اهم شي عيني شبعت.
-مع المشي اخصص ١٠-٢٠ دقيقة ركض.
-اخر فترة سرت اسوي الصيام المتقطع بس طريقت انو وقت الصوم عادي اكل فواكه اذا كنت مرة جوعانة اخذ مثلاً حبة كمثرى او بخارى.
-سويت لي تحدي اسبوعي كل فترة مثلاً اسبوع يكون بدون عيش او رز ، اسبوع كان العشاء زبادى ، اسبوع كان اركز ع البروتين في اكلي.
نصائح
-لازم نظام الأكل يكون متوازن تاخذي كل احتياجك عشان ما تتعبي.
-شرب الماء مرة مهم مع الدايت و الرياضة.
-أفضل تسوي تحليل عشان تشوفي إذا عندك نقص في الفيتامينات، لأنو غالباً مع الدايت نحتاج نعوض بمكملات.
- لا تقسي على نفسك مرة النتيجة يبغى لها وقت و صبر.
-في أنواع حميات غذائية كثير ابحثوا و إقرأوا عنهم و خذوا الي تناسبكم و تنفع لنمط حياتك.
-لاتحرمي نفسك من الأكل الي تحبيه قللي منه فقط.
تطبيق حساب السعرات
جربت كم واحد و التطبيق الي عجبني و استخدمته هو Lose It فيه تقريباً كل المنتجات الي استخدمها و استخدامه مرة سهل و بسيط فكرة التطبيق لحساب السعرات حلوة سواء هذا أو غيره تشجع ع الالتزام.
صور من التطبيق...
وجباتي في يومين مختلفة مع حساب السعرات و مسكت نفسي في جوع المشاعر أكلي اليومي سعراته مو مرة كثير و الحمدلله اكون شبعانة و آكل الأكل الي احبه كمان مع الصيام المتقطع كنت ما أفطر كل يوم، طبعا كمية الاكل تختلف من شخص لاخر حسب احتياجه .
في الصورة اليمين مجموع السعرات حق الاسبوع و بعده حق اليوم كم و كم من التمارينو الجهة الدهون و الكارب و البروتين في اكلي.
قسم التمارين فيه تمارين كثيرة و عاجبني انو حتى مهام البيت محسوبة زي التكنيس حاطينوا من التمارين 💪🏼 و كمان المشي حاطين خيارات كثير، بالنسبة لحساب الخطوات في خيارت كثير في مثلاً من هذا التطبيق أو من الجوال يحسب الخطوات أو ساعة و ممكن يكون حساب تقريبي زي في ما قلت قبل .
بعد ما وقفت و رجعت للأكل المقلي و الثقيل سار يتعبني بالذات لمى اتعشى متأخر بعد البحث لقيت انه في كثير يسير لهم كذا بعد الدايت حالياً رجعت زي زمان عادي اكل اي وقت مافيش مشكلة.
اختم التدوينة بصورة التهنئة منهم لمى وصلت للوزن الي حاطته هدف لي 🤩 كان من اهم انجازاتي في ٢٠١٩ أول مرة في حياتي اقرر انحف و التزم ع انها ٦ كيلو بس كانت ما تبين مرة و ٦٠ يعتبر وزن مثالي على طولي بس فرق في الدهون الزايدة في بعض المناطق راحت و تعلمت اتحكم في اكلي و اهم شي اضفت عادات صحية و تفيدني ع المدى البعيد💗.
شكراً لقرائتك تدوينتي و ان شاء الله تفيدك 💖
ماشاء الله مبارك إنجازك. أعجبتني التدوينة.
ردحذفشكراً لك
حذفحلووو ما شاء الله ������ أهم شيء في الرحلة انك تعرفين السبب واشتغلتي عليه
ردحذف���� على طاري البيتزا مره تذكرت شعور اللي بعد اليوم الثاني من العزيمة �� لما تكون الثلاجة مليانة بقايا أكل لذيذ يصير الفطور مرره حفلة! ��❤
و يكون ألذ فطور هههههه
حذف