السلام عليكم و رحمة الله ..
كيفكم ؟
و كل عام و أنتم بخير ، الله يتقبل منا و منكم الصيام و القيام و صالح الأعمال يا قرائي الجميلين بس نفسي أعرف ليش ما حد يكتب كومنت المهم نبدأ في الموضوع الأساسي يلا بسم الله
( لَقَدْ خَلَقْنَا الْإِنسَانَ فِي أَحْسَنِ تَقْوِيمٍ )
أولاً الخشم ( الأنف ) خلقة رب العالمين و أكيد الكل عارف أنو حرام تغيير خلقة ربي بدون سبب و الي مو عاجبها خشمها👃🏽 و تقول يشوه وجهها عشانو كبير تحمدِ ربك أنو شي بسيط في غيرك فيهم تشوهات من جد يد مافي أو رجل و غيرو أشياء كثير و الخشم الكبير مو تشوه أبد اً و الآية خير برهان و احمدوا ربكم و خليكم من عمليات التجميل😡 << حسيت إني أم تخاصم عياليها 😂 بس من جد مالوا داعي عمليات التجميل اهم شي القناعة ومو كل عمليات التجميل تنجح شوفوا هذي
اليسار قبل و اليمين بعد بغض النظر عن العمليات الي مسويتها ركزوا على الخشم قبل أحلى .
شوفوا في 2007 كيف خشمها هذي نتيجة كثرة عمليات التجميل دافعة فلوس كثير في النهاية قبل أحلى 😡 .
ترا في قلبي كلام كثير عن عمليات التجميل بس هذا مو موضوعنا نبدأ الموضوع الأساسي 😂
" الزنجبيل يصغر الخشم "
في العم جوجل خلطات كذا خلطة بالزنجبيل بس أنا جربت وحدة حسيتها أحسن شي و يمكن ما تكون حارة مرا و الي هي :
ملعقة صغيرة معجون أسنان
شوية خل تفاح
ملعقة صغيرة زنجبيل مطحون
اخلطهم كويس و لازم يكون ثقيل شوي زي الكريم و اخليهم لمدة 10 دقايق ،تسويها لثلاثة أو أربع أيام .
الغريب أنو الأجانب ماسووها ! .
طبعاً لاتتخيلون النتيجة راح تكون كذا 😂 <<< أبد ما تخيلت يسير كذا
تجربتي ...
أول يوم : يمكن خمس دقايق كان مرا حار و مرا يحرق لدرجة أنو عيني دمعت بعدين خف بس ما راح و كذا سار بارد على حار مدري و خمشي من تحت عند الدائرتين و الله متوهقة في الأسم السهم الي في الصورة الي تحت مؤشر ع المكان .
ثاني يوم : ريحت يوم بعدين سويت و ما حسيت بحرقان كثير زي أول بس حسيت خشمي سار جاف مرا و تقشر زيادة و بعد ما مسحته حسيت بحرارة و طيت ثلج راحت.
ثالث يوم : ريحت يومين و سويته كان مرا حار زي أول يوم و أخس و خشمي سار مرا جاف كنت حسوي رابع يوم بس خلاص ما أقدر و أصلا ما حيفرق يوم و مادام الأجانب ما سوها يعني ممكن كذب .
بس الجفاف الي صار لي ممكن يدل على أنو فعلاً الزنجبيل يذوب الدهون بس أنا ماشفت في فرق صورت خشمي قبل و بعد ما في فرق و شخصياً ما أنصح تجربونها مرا تحرق و تنشف الأنف و بعد التجربة سرت مقتنعه في خشمي الحمدلله وش زينه واقف كل الناس تتمناه من جد و الله حلو ما شاء الله أصلاً من أول ما شفت صورة بلايك حسيت خشمي صغير😂 ما حكذب كنت أحس خشمي كبير بس طلع شي نفسي كله من السلفي القريب 😂 و الي تحس خشمها كبير الله يخلي الكونتور
دمتم بخير .
هههههههه ضحكتيني ، فيه معلومه الله أعلم مدى صدقها لكن تقول إنو أغلب الناس مو راضيين عن انوفهم ..
ردحذفقبل فترة سمعت روز تمدحها ونويت اجربها ، لكن شكلي هوّنت خلاص .. ❤