تدوينة هذا الأسبوع واضحة من عنوانها ايش الدارج أو الترند و موضة ربيع و صيف ٢٠١٨ من الرنواي و الستريت ستايل 👗🧥👛 بس عشان لا تكون طويلة جداً راح أقسمها جزئيين
spring / summer 2018 (runway & street style)
الاثنين، مارس 05، 2018
الاثنين، فبراير 26، 2018
من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .
الثلاثاء، فبراير 20، 2018
صباح / مساء الخير يا جميلات
في أواخر شهر اكتوبر بدأت أبحث عن منتجات جديدة لبشرتي 🧖🏽♀️ لأنه وجهي هذيك الفترة كان تعبان من البرد و الجفاف و من خلال بحثي و فرفرتي ع اليوتيوب و جوجل أشوف روتينات للبشرة الجافة شفت كثير يتكلمون على حمض الجليكوليك و أنه مره مهم و مفيد للبشرة من الي شفته و قرأته صراحة حسيت إنه سحر ✨ 🙄 و قلت لازم اشتري شي فيه جليكوليك و صادف إني مرا من المرات بعد شهر تقريباً رحت بوتس و لقيت هذي المسحات من nip + fab كان عليها عرض بنص السعر 😍💸 فأخذتها .
بس قبل لا أقولكم عن تجربتي حابة أتكلم شويات بشكل عام عن حمض الجليكوليك و أهميته للعناية بالبشرة من خلال بحثي المتواضع 😌 .
الاثنين، يناير 22، 2018
صباح / مساء السعادة
كثير منا تجينا فترات نحس بضياع و تشتت و عقلنا يكون فيه مليون فكرة بنفس الوقت و العقل يتوقف ما يتحرك ، أو الإلهام اختفى من عندنا، و عندك فكرة من ٤ شهور ما قدرتي توصليها بالطريقة الصحيحة لأنو عقلك مشتت و ضايع و الإلهام إختفى معاهم ، أكيد في وحدة من الي يقرأوا سبق و سار لها كذا صح ؟ ، لي فترة أمر بهذي الحالة و من شهر حسيت خلاص ❌ كذا بزيادة لازم أسوي شي و أشوف حل للضياع و التشتت الي حاسة فيه لأنو إذا استمر ما حقدر أسوي أي شي في حياتي 🤯 و ما ينفع كذا لازم أخذ إجازة و أريح عقلي و أجدد طاقته و قراري النهائي بمعالجة المشكلة كان لمى بدأت السنة و أنا ما عندي أهداف ممكن البعض يشوفه عادي بس أنا طول السنة يكون عندي أهداف أحب أحط لي هدف كتشجيع لي عشان أسويه حتى لو كان شي بسيط زي مثلاً الشهر هذا أسوي الغداء كل يوم نفس الوقت أو مثلاً حخلص هذا المسلسل في أسبوعين أحب كذا أحط لي وقت للأشياء عشان أسويها .
الاثنين، يناير 01، 2018
مساء / صباح السعادة و الايجابية و الرضا و كل شي حلو و سعيد 💞 أحس ابغى ابكي 😭 مو مصدقة انو هذي ثالث سنة اكتب فيها عن نهاية العام مشاعري متلخبطة فرح و حماس و انتماء مدري ايش دخل بس حسيت هذي التدوينة سارت جزء من حياتي كل نهاية سنة أكتبها في نفس اليوم 💕 و تبقى ذكرى لي كل سنة ايش سويت فيها و ايش سار لي فيها و ايش التغيرات و خلاص حوقف كلام عشان لا أطول 🤭 أهم شي شعوري وصل لكم 💕 .
الثلاثاء، ديسمبر 12، 2017
يسعد صباحكم / مسائكم أينما كنتم
كمدونة ضروري أحتاج برنامج لتعديل الصور سواء إضاءة الصورة أو حدتها أو حابة أكتب كلام عليها أو اسوي كولاج اجمع كم صورة مع بعض و أشياء غيرهم و من أشهر برامج تعديل الصور هو الفوتشوب بس مشكلته غالي و حرام تشتريه إذا انتي ما تستخدميه كثير بس مجرد أشياء بسيطة في تدوينة اليوم راح أحط لكم مواقع مجانية لتعديل الصور و كمان برامج تحمليها في جهازك .
كمدونة ضروري أحتاج برنامج لتعديل الصور سواء إضاءة الصورة أو حدتها أو حابة أكتب كلام عليها أو اسوي كولاج اجمع كم صورة مع بعض و أشياء غيرهم و من أشهر برامج تعديل الصور هو الفوتشوب بس مشكلته غالي و حرام تشتريه إذا انتي ما تستخدميه كثير بس مجرد أشياء بسيطة في تدوينة اليوم راح أحط لكم مواقع مجانية لتعديل الصور و كمان برامج تحمليها في جهازك .
الخميس، ديسمبر 07، 2017
الأحد، ديسمبر 03، 2017
مساء / صباح الخير
من الأشياء الي أعاني منها لمى اكتب تدوينة 👩🏽💻 ، عنوان الموضوع الي كتبته و الصورة بالذات لمى يكون الموضوع فضفة و كدا كلام من القلب إلى القلب 💞 و حركات جد مرا اتوهق ايش احط العنوان و ايش الصورة 😅 اتوقع اكيد في مدونات زيي صح ؟ لازم يكون فيه 🙄
الاثنين، نوفمبر 27، 2017
مساء / صباح الأجواء الأجواء الجميلة
تدوينة اليوم فجأة خطر على بالي أكتبها حسيت نفسي أكتب هذا الكلام في مدونتي 🙂 و احترت في اسمها حيرة بس ان شاء القى العنوان المناسب 💪🏽 😂 أخليكم مع التدوينة الخفيفة و اللطيفة 😘 .
الخميس، نوفمبر 16، 2017
صباح / مساء الخير
التدوينة هذي كان المفروض تنزل الأسبوع الي فات بس كان اسبوع مضغوط جداً و انكرفت فيه المهم ، شهر نوفمبر معروف بإنه شهر عيد ميلادي 💗🎉 أمزح لا تعصبوا 😂 .
معروف أنو بداية موسم التخفيضات الأعياد و البلاك فرايدي الي هو آخر جمعة في نوفمبر السنة هذي يوم ٢٤ ، التخفيضات تبدأ في بعض المحلات من نص أكتوبر بس يجي نوفمبر خلاص كل المحلات من جميع الأصناف و الطبقات تكون عندها عروض و تخفيضات 🛍 يعني حتى الأكل يكون عليه عروض زي رمضان عندنا 💜 و في البلاك فرايدي و الي هي آخر جمعة في نوفمبر تكون لها عروض و خصومات غير تقريباً كل المحلات تسويها و تبدأ من ١٠٪ لحد ٧٠٪ و بعض المحلات مرا دخلت مايكل كورس كذا اشوف ايش الجديد في أكتوبر و قالت لي أنو اليوم عندهم خصم لكل شي حتى الي عل خصم ٥٠٪ مستوعبين كيف 😍 يعني مثلا في شنطة كانت ب ٣٠٠ و عليها خصم و سارت ١٥٠و زيادة عليها كمان ٥٠٪ 😍😍 بس للأسف ما اشتريت شي 💔 ، في تدوينة اليوم حطيت لكم قائمة محلات عندهم تخفيضات للبلاك فرايدي و أغلبها من دحين في خصومات طبعاً هذي ولا شي في محلات و مواقع كثير ما حطيتهم بس حطيت الي أعرفها أو شفت عندهم أشياء حلوة .
الثلاثاء، أكتوبر 24، 2017
مساء / صباح الحلاوة يا حلوين
دايماً تجينا أوقات نكون طفشانين و نحس انو يومنا فاضي بس مو عارفين ايش نسوي أو تكوني متضايقة و متمللة من روتينك و حاسة بكآبة و ضيقة و نفسك تبكي << مدري إذا هذا شي طبيعي أولا انا اعتبره طبيعي 😅 أو بكل بساطة عندك وقت فراغ و حابة تسوي شي فيه 😀 هذي إقتراحات أشياء أنا أحب أسويها لمى يكون عندي شي من هذي الأشياء سواء وقت فراغ أو اكتئاب من الروتين و غيره .
الاشتراك في:
الرسائل (Atom)
