صباح / مساء الجمال يا جميلات ✨
تدوينة اليوم لها هدف معين الي هو أوريكم إنه مو لازم تصرفي مبلغ و قدره عشان منتجات عناية بالبشرة و عشان بشرة صافية و جميلة مو لازم ميزانية عالية و منتجات غالية كريم ب ٥٠٠ ريال و تقشير ب ٩٠٠ريال 🧖🏽♀️ و غسول ب ١٠٠ ريال عشان تحصلي على بشرة صحية و مثالية ✨ فيه منتجات كثير ممتازة للعناية اليومية و بسعر حلو 💸 ، بالذات البنوتات الصغار الي في بداية مراهقتهم
شخصياً أحس ماله داعي لمى كان عمري من ١٢ - ١٥ أصرف مبالغ كبيرة على العناية بالشرة بالذات إذا كانت بشرتي ما فيها عيوب كثيرة حب الشباب شي طبيعي في هذي الفترة فغسول و مقشر من الدرقستور لحب الشباب كان يفي بالغرض بالنسبة لي طبعاً إذا حب الشباب فيك كثير الأفضل تروحي عند دكتورة بس أنا كان معدل طبيعي يعني نقول في الأسبوع ٢ - ٤ حبوب في الوجه مشكلتي كانت مع الآثار أكثر من الحبوب نفسها المهم مو هذا موضوعنا اليوم 🙄، روتيني الي راح أتكلم عنه مكون من ٣ أشياء بالنسبة لي القليل أفضل من الكثير و أحس مقشر من ١-٣ مرات في الأسبوع و غسول يومياً و كريم مرطب يومياً و زيادة على روتيني راح أحط لكم منتجات بسعر حلو كريم العيون بالنسبة لي أشوفه مو شي ضروري للي عمرهم أقل من ٢٥ إلا إذا كانت المنطقة جافة يختلف طبعاً التونر ما أعتبره شي ضروي مرة بس أستخدمه فترات حالياً طايحة بتونرات طبيعية زي الأرز و تونر موية الورد ✨
بداية استخدامي له ما كنت أحسه مقشر كأنه مقلب 😅 حبيباته مره شوية و كأنها فتافيت مع لوشن 😂 بس مع الاستمرار مرة حبيته 💕 بدون ما أبالغ الطف مقشر مر علي للآن جداً خفيف و لطيف ع البشرة و و فعلاً يعمل تقشير خفيف لها حجم حبيبات التقشير مختلفة فيه بس كلهم صغار و ما تذوب فمساج بسيط بحركة دائرية يزيل طبقة الجلد الميتة بلطافة و مع تركيبته الكريمية بعد ما تغسلي وجهك تحسي البشرة ناعمة و مترطبة و أعطيه بلس ون لأنه يرطب البشرة كان ممتاز جداً وقت ما أشتريته لأن بشرتي كانت وقتها في أسوء حالاتها جافة جداً من شدة الجفاف سارت تتقشر فحسيته ممتاز جداً للبشرة الجافة و كمان حلو للحساسة أتوقع فعلاً مناسب لجميع البشرات بالنسبة للنضارة ما حسيت إنه يعطي البشرة نضارة ، أكيد راح أرجع أشتريه و أنصح فيه مرة حلو 👌🏼 سعره في حدود ال ٣٠ ريال .
خيارات أخرى: سنفرة المشمش من ناتشرز باونتي للأمانة ما جربتها للوجه بس كثير يحبوها للوجه أو غسول أو غشول مقشر من كلير أند كلين و في كمان عند شي إسمه منظف يومي للرؤوس السوداء اثنينهم حلويت كمقشر كمان مقشرات نيتروجينا حلوة حسب نوع بشرتك
بداية استخدامي له ممكن أول اسبوع او اتنين كن مرة معجبة فيه كيف يخلي بشرة وجهي ناااااعمة كأنها بيبي 🤤👶🏻 بعدها حسيت إنه سار العكس ما يرطب بشرتي بالعكس رجعت تجف زي قبل لا أستخدمه حتى مع كريم بعده مافي فايدة فسرت أستخدمه مرة بدل مرتين في اليوم و أحياناً يوم أحطه و يوم لا بس ككل مرة ممتاز يخلي ملمس البشرة واحد و ينعمها و ينظفها كويس و مع الاستمرار في كم أثر من حبوب راحت حسيته حلو مرة للبشرة الدهنية أما الجافة لا حالياً بشرتي تمام الحمدلله فماشي معاي تمام ما جففها عاد لمى كلمت نتروجينا وقلت لهم إنه نشف بشرتي قالو إنه ممكن الي عندي من الدفعة الي فيها غلط 🤷🏽♀️ ف الله أعلم صح كمان كميته مرة ممتازة تجلس مدة طويلة معاي من كم شهر ولسى بدري على ما يخلص سعره ٣٩.٩٥ ريال .
خيارات أخرى:أغلب غسولات نتروجينا حلوة و دايما عليهم مدح في الي لونه الي لونه أخضر حلو و الوردي و كمان الأوريجنال حلو هو و الصابونة و في نوع مرة أحبه الي هو ٢في ١ قناع و غسول حلو للبشرة إلي تطلع حبوب و غسول جونسون كمان لطيف و في منتجات سيمبل ما جربت صراحة بس دايماً عليها مدح .
كريم بوتانيكس: برضو نفس مجموعة المقشر هو كريم بنسبة حماية من الشمس ١٥ قوامه خفيف مرة يذكري يلوشن جونسون الوردي حقي الأطفال 😅 وريحته تذركني الطفولة و أيام زمان 💕 من مكوناته خلاصة زهرة الهيبسكس الي فيها أحماض تقشير عشان تحسن من ملمس البشرة و و توحد لونها و تخليك glowy، سعره تقريباً ٥٠ ريال مشكلة منتاجت بوتانيكس ما أعرف سعرها كم في السعودية عشان كذا أحط سعر تقريبي 💔.
خيارات أخرى:للأسف ما عندي تجارب كثيرة لكريمات الوجه قبل هذول جربت كريم حق جونسون و كان مرة حلو
و جربت من بوتس مو كريم زيت للوجه كمان كان يجنن الي تعرف كريمات حلوة للوجه تكتب عشان تفيد البنات💗. خطوات إضافية :
خطوات إضافية في روتيني
عصا الحبوب من بوتس تكلمت عنها قبل كذا هي للحبوب إلي تطلع فجأة وضيفتها تنشف الحبة و تخليها تروح خلال تقريباً ٣ أيام فيها جهتين جهة لليل و جهة للنهار، سعرها ٢٦ ريال .
كريم ديفيرين للتقشير الكيميائي أحسه جداً معروف أصلا أخذته من كثر ما اشوف الناس تمدحه له طريقيتين هي أكثر شي أشوفها طريقة تحطي نتفة على وجهك كله قبل النوم لمدة ٣- ٤ أيام مرة كل شهر و الطريقة الثانية لمى تطلع لك حبة تحطيه عليها فقط عشان ينشفها و تروح، بصراحة أنا ما أستخدمت إلا الطريقة الأولى و مرتين فقط المرة الأولى جداً حبيت النتيجة المرة الثانية كان وقتها وجهي جاف فمرة انعدم و ندمت إني سويته 💔 تلاقوا كثير تجارب بنات له و يمدحوه في جوجل ، سعره ٢٥ ريال.
ليست هناك تعليقات:
إرسال تعليق