About Lola's

السلام عليكم و رحمة الله و بركاته يا مساء / صباح الخير  من أول ما سويت مدونة الين اليوم و أنا أحاول قد ما أقدر أطور في مدونتي و طريقة تدويني بالنسبة للمدونة لمى اكتب في قوقل اي شي يخص المدونة للأسف ما يطلع اذا كتبت بالعربي لازم بالانجليزي لانو مافي مدونات عربية أو منتديات تشرح دا الشي ممكن بس الاقي كيف اسوي مدونة فقط لاغير للأسف في أشياء كثير ما تتوفر بالعربي مدري هل هو بخل أو طمع ما يبغو احد يستفيد او مافيهم او ايش مدري ما حطول في النقطة دي اكثر من كذا لاني اذا تحلطمت ما حسكت هههههههههه فقررت اني ابدأ سلسلة تدوين عن المدونة يعني امممممم مثلاً كيف احط قالب مجاني و اعدل في الي ابغاه أو كيف اسوي التقسيمات حق الصفحات الي تجي في فوق توهقت في اسمها هههههههههههه أو كيف أحط ايقونات برامج التواصل الإجتماعي و أشياء كثير و كل ما تعلمت شي جديد و ضبط معاي ان شاء الله راح اقولكم عنه  ❤ ، صراحة مدري ايش اسمي هالسلسلة بس شكلو تدوين يعني اذا كان اسم بطال مشو حالكم اهم شي الفايدة هههههههههه صح ولا أنا غلطانة ؟ ❤ .

السلام عليكم بنات ... كيفكم ؟  من زمان عن التدوين اخذت اجازة قصيرة  كثير مننا حابة تتعلم كيف تسوي ايلاينر او كيف تسوي ظل او كيف تسوي كونتور او  او ... الخ اشياء المكياج ما تخلص هههههههه و ما عندها احد عندو الخبرة الكافية عشان يعلمها او في عندها احد يعرف في شغلات الميك اب بس ما يعرف يشرح او يسوي لاحد  ( دي  سارت لي  هههههههههه ) او تبغى تدخل دورة بس ما عندها خلفية فين دورات المكياج او ما ناسبها السعر ،  خلوني اكون صريحة معاكم أنا حالي من حال أغلب البنات الي في عمري ما اسوي الا الأشياء البسيطة الي هي كحل ومسكرا و فاونديشن و ايلاينر و هالشغلات بس دحين الوضع تغير بما اني ماخذه هالسنة اجازة قلت خليني اتعلم شغلات جديدة في المكياج و ما اقدر اخذ دورة لأنو مسجلة في معهد إنجليزي و ما اعرف شي عن دورات المكياج في جدة فقلت خليني اتعلَّم من اليوتيوب  كيف اسوي ظل و اتعلم كيف اسوي الايلاينر مزبوط و اشوف اي رسمة تناسبني و كمان في اشياء كثير حسيتها مهمة في الميك اب و تعتبر من الاساسيات الي المفروض اهتم فيها زي الاندرتون مثلا صراحة ما كنت اعرف عنه وكنت استخد اي فاونديشين هوا كان منا

السلام عليكم و رحمة الله و بركاته .. تدويناتي الأخيرة كلها مشتريات هههههه بس ايش اسوي ما ابغى اقطع المدونة و ما عندي غير الاشياء الي اشتريها و اخر مشترياتي كانت من امازون هي شوية بس قلت لازم احط شي في المدونة ههههههه .

السلام عليكم و رحمة الله و بركاته .. بوست سريع جدا عشان اكون عند وعدي لي وعدت نفسي بيه ، فقط ريفيو بسيط لاخر مشترياتي ، قبل لا ابدأ كنت ابغى احط الاسعلر بس للاسف ضاعت الفاتورة فححاول احط اسعار تقربيه .

السلام عليكم و رحمة الله و بركاته  كيفكم بنات ؟ و كيف تجهيزكم للدوامات ؟  قبل 5 ايام رحت السوبر ماركت و اشتريت منتجات دايم اشوف عليها مدح سواء في الانستجرام او البلوق .

السلام عليكم و رحمة الله و بركاته ... عشان من زمان ما نزلت شي وعدت نفسي دا الشهر أنزل اقل شي 4 بوستس و كنت ناوية تكون ريفيوز عن السفر بس ما سافرنا و ما عندي شي جربته قريب قلت اكتب تدوينة خفيفة و بسيطة عن 10 قطع بالنسبة لي لازم تكون عندك في الدولاب  دا السيزون و تستغلوا الفرصة تشتروا قبل لا تخلص التخفيضات 

السلام عليكم و رحمة الله.  مساء / صباح الطاعة  من رمضان و أنا ابغى أنزل هالبوست بس ما فضيت و متردده أكتب و لا لا و أحس مرا شوية الكلام  بس ابغى اكتب البوست عشان من زمان ما كتبت  ههههه المهم ما أحب المقدمات و زي ما يقولون التدوينة تبان من عنوانها 😂 يلا نبدأ بأول منتج ...