About Lola's

السلام عليكم و رحمة الله و بركاته   مساء \ صباح التفاؤل  رجعت بعد اجازة من المدونة لاكثر من شهر و احترت اكتب عن ايش و امس البنات في نافذة المدونات تكلمو عن قوالب المدونة قلت اكتب عنها من اول ما سويت المدونة الين دحين يمكن حطيت 20 قالب كل شوي اغير و دحين سار لي 3 شهمور يمكن مستقرة على دا القالب ان شاء الله ما اغيره ههههههه المهم  نبدأ في الموضوع في مواقع كثير توفر قوالب مجانية بس اكتبوا قوقل free templates  هذا موقع قوالب  هنا  شفت فيه قوالب حلوة  هذا الموقع الي احمل منه  هنا بعدين حملي القالب الي يعجبك ، القوالب تتحمل بملف مضغوط بعدين فكي الضغط عن الملف زي الصورة .    بعد كذا تروحي المدونة و تروحي لخيار ( قالب )  و بعده خيار ( نسخ احتياطي / استعادة ).  

مساء / صباح الشوبينق . اعتقد أني اخر وحدة أحط مشتريات البلاك فرايدي بس زي مو عارفين كنت استنى طلبية البلانر الي إلى الان ما وصلت مدري متى حتوصل نخوش ع الموضوع هههههههه . مشتريات موقع سيفورا ...

مساء \ صباح الاجواء الجميلة في اخر ساعات و دقائق عام 2015 راح اكتب عن انجازت و اهداف حققتها او خليني اقول اشياء سويتها و حبيتها في عام 2015 لانو احسها انسب لانو الاشياء الي حكتبها اغلبها سطحية  , عام 2015 يعني لي الكثير و سارت فيه احداث مفرحة كثير بالنسبة لي ❤   و إن شاء الله انتو كمان زيي  ❤ فحبيت اكتب عنه هنا كارشيف ارجع له بعد سنين الله يطول بأعمارنا يارب ❤ .

صباح \ مساءالتنظيم  الاربع شهور الاخيرة سرت مهوسة بمنظم المهام أو الأجندة (planner) و خرابيطه و الاستيكرز حقه و كيف اسويها من الحماس ههههههه   😂   و قررت انو اسوي البلانر حقي بنفسي لأنو الطريقة مرا سهلة و ممتعة للناس الفاضية زيي بس للأسف قراري جاء في وقت غلط  💔   لانو زي ما تعرفوا الفتره دي مرا مشغولة ما حقدر اسويه سو قررت اشتري واحد و اشتريته في البلاك فرايدي ( كنت حكتب عن البلانر اول يوم في يناير بس شوفت كثير يتكلمون عنه و فكرت انو الناس حتشتري قبل لا تبدأ السنة مو لمى تبدأ عشان كذا قدمت الموضوع  😂 ما عليكم من فهاوتي ) .

السلام عليكم و رحمة الله و بركاته يا مساء / صباح الخير  من أول ما سويت مدونة الين اليوم و أنا أحاول قد ما أقدر أطور في مدونتي و طريقة تدويني بالنسبة للمدونة لمى اكتب في قوقل اي شي يخص المدونة للأسف ما يطلع اذا كتبت بالعربي لازم بالانجليزي لانو مافي مدونات عربية أو منتديات تشرح دا الشي ممكن بس الاقي كيف اسوي مدونة فقط لاغير للأسف في أشياء كثير ما تتوفر بالعربي مدري هل هو بخل أو طمع ما يبغو احد يستفيد او مافيهم او ايش مدري ما حطول في النقطة دي اكثر من كذا لاني اذا تحلطمت ما حسكت هههههههههه فقررت اني ابدأ سلسلة تدوين عن المدونة يعني امممممم مثلاً كيف احط قالب مجاني و اعدل في الي ابغاه أو كيف اسوي التقسيمات حق الصفحات الي تجي في فوق توهقت في اسمها هههههههههههه أو كيف أحط ايقونات برامج التواصل الإجتماعي و أشياء كثير و كل ما تعلمت شي جديد و ضبط معاي ان شاء الله راح اقولكم عنه  ❤ ، صراحة مدري ايش اسمي هالسلسلة بس شكلو تدوين يعني اذا كان اسم بطال مشو حالكم اهم شي الفايدة هههههههههه صح ولا أنا غلطانة ؟ ❤ .

السلام عليكم بنات ... كيفكم ؟  من زمان عن التدوين اخذت اجازة قصيرة  كثير مننا حابة تتعلم كيف تسوي ايلاينر او كيف تسوي ظل او كيف تسوي كونتور او  او ... الخ اشياء المكياج ما تخلص هههههههه و ما عندها احد عندو الخبرة الكافية عشان يعلمها او في عندها احد يعرف في شغلات الميك اب بس ما يعرف يشرح او يسوي لاحد  ( دي  سارت لي  هههههههههه ) او تبغى تدخل دورة بس ما عندها خلفية فين دورات المكياج او ما ناسبها السعر ،  خلوني اكون صريحة معاكم أنا حالي من حال أغلب البنات الي في عمري ما اسوي الا الأشياء البسيطة الي هي كحل ومسكرا و فاونديشن و ايلاينر و هالشغلات بس دحين الوضع تغير بما اني ماخذه هالسنة اجازة قلت خليني اتعلم شغلات جديدة في المكياج و ما اقدر اخذ دورة لأنو مسجلة في معهد إنجليزي و ما اعرف شي عن دورات المكياج في جدة فقلت خليني اتعلَّم من اليوتيوب  كيف اسوي ظل و اتعلم كيف اسوي الايلاينر مزبوط و اشوف اي رسمة تناسبني و كمان في اشياء كثير حسيتها مهمة في الميك اب و تعتبر من الاساسيات الي المفروض اهتم فيها زي الاندرتون مثلا صراحة ما كنت اعرف عنه وكنت استخد اي فاونديشين هوا كان منا

السلام عليكم و رحمة الله و بركاته .. تدويناتي الأخيرة كلها مشتريات هههههه بس ايش اسوي ما ابغى اقطع المدونة و ما عندي غير الاشياء الي اشتريها و اخر مشترياتي كانت من امازون هي شوية بس قلت لازم احط شي في المدونة ههههههه .