مساء / صباح الخير
تدوينة اليوم لذيذة 😋🍴 ما كنت مرا من محبين السالمون بس السنة هذي سرت من محبينه و سار هو السمك 🐟 الوحيد الي آكله ، طريقة طبخه يا في الفرن أو على الصاج .
٣ تتبيلات مختلفة للسالمون 🐟
الثلاثاء، أكتوبر 10، 2017
مساء / صباح الخير
تدوينة اليوم تتكلم عن تجربتي لماسكارا ايسنس I love extreme crazy volume الوردية تحمست اشتريها لمى شفت عليها مدح و سعرها خيالي بالنسبة للمدح و كمان لمى جيت اشتريها ما حصلتها بسهولة في كل مكان مخلصة فجد لمى اشتريتها عيني سارت كذا 😍 و أخيرا اشتريتها 💃 😂 .
الثلاثاء، أكتوبر 03، 2017
صباح / مساء السعادة
الشهر الي فات كان وقت اسابيع الموضة ، حبيت اكتب عن أكثر ١٤ ترند انشافت على الرنواي أو الستريت ستايل للي حابة تشوف تدوينة موضة الخريف و الشتاء هنا .
الثلاثاء، سبتمبر 26، 2017
اهلين مساء / صباح الخريف الجميل 🍁
أحياناً نكون محتاجين شغلة ضروري بس ما تكون عندنا في البيت يا نسينا نشتريها أو بالأساس ما انتبهنا انها خلصت و من هذي المنظفات زي مثلا بخاخ الزجاج أو بخاخات التنظيف الي تستخدم لكل شي ✨ أو ممكن ريحة المنظفات تتعبك لأنها أغلبها مواد كيميائية اليوم راح أكتب لكم طريقة منظفين تسويها في البيت الطريقة مرا سهلة و النتيجة حلوة عن تجربة .
الثلاثاء، سبتمبر 19، 2017
مساء / صباح الخير
تدوينة اليوم جديدة على المدونة و خفيفة ، السنة هذي الاجازة كانت جداً طويلة و من طولها في أشياء كثير خلصتها من ( منتجات ، كتب ، مسلسلات ، إلخ ... ) اليوم راح أكلمكم عنها و أقولكم رأي .
الأربعاء، سبتمبر 13، 2017
مساء / صباح الأجواء الجميلة قرب أحلى فصول السنة 🍁
قبل اسبوعيين تقريباً سويت سالمون و حطيت معاه بطاطس و حطيت لها نفس بهارته و طلعت مرررا يمي 😋 و من بعدها علقت عليها 😂 ، أكثر شي عاجبني فيها إنها سهلة و سريعة و هذي صحية 👍 و أهم شي طعمها لذيذ 😋 😍 .
الثلاثاء، سبتمبر 05، 2017
مساء / صباح الخير
من اهم خطوات مكياج المناسبات الكبيرة بالنسبة لي الحواجب تكون نظيفة و مرتبة و الشي الثاني الفاونديشن يكون نظيف و مو كيكي و رسمة الايلاينر تكون مضبوطة و الروج نظيف و مرتب 💋 و لاني ما احب الفاونديشنز ( كريمات الاساس ) الي تكون تغطيتها قوية دايماً اشتري خفيف أو متوسط مع الحر و لأنو بشرتي مختلطة في نص المناسبة يختفي الفاونديشن 😕 و مرة كنت اتفرج فيديو في اليوتيوب تكنيك لتثبيت الفاونديشن فترة أطول و جد نتيجتها حلوة حسيت بقيمتها في مناسبات الصيف ، التكنيك جداً سهل ما ياخذ وقت كثير إذا اضفتيه في روتين ماكياجك بس نتيجته تفرق كثير 😍✨ .
الخميس، أغسطس 24، 2017
صباح / مساء الخيرات
اليوم راح اتكلم عن ثاني نوع جربته من الماسكات الكورية و الشرق آسيوية هنا الموضوع الأول و ما سك اليوم هو المودلينق ( modeling ) ماسك أو الماسك المطاطي 💆 أنا بصراحة اسميه ماسك الجبس 😂 ، انتشر عند الاجانب من ٢٠١٥ بس ما كان عليه ضجة كبيرة و عندنا ما شفت أحد يتكلم عنه على إنه مرا حلو .
الأربعاء، أغسطس 16، 2017
اولا اميجوز 🙋
كيفكم مع الاجازة ؟
و الحمدلله و أخيراً رجعت للتدوين بعد إجازة أكثر من شهرين موضوع اليوم خفيف و سريع حق الرجعة ، من فترة سارت ضجة كبيرة في اليوتيوب و السوشل ميديا على القناع الاسود و كل ما اشوف فيديو له و اشوف كيف ينظف الخشم 👃اتحمس له بس و اروح ابحث في امازون على الانواع و بعدين ابطل قبل تقريباً اسبوعين رحت محل من محلات التجميل و لقيت الماسك الأسود و سعره كان حلو ٢٠ ريال و نوعيته شفت كثير جربوها أخذته على طول بدون تردد و اليوم جربته 😁 صراحة كنت متحمسة أجربه من أول يوم اشتريته بس ما فضيت له الا اليوم .
الثلاثاء، مايو 30، 2017
مساء / صباح الخير
الباستا اللذيذة من اختراعي 😍 في يوم من الأيام كان نفسي باستا و ماعندي جبنة فسويتها بالتغميسة حق دوريتوس و طلعت يمي 😋 لازم تجربوها كمان دحين رمضان سووها فطور أو سحور 👌حتعجب الكل و أحلى شي إنها ما تاخذ وقت .
الجمعة، مايو 26، 2017
مساء / صباح جمال
كيفكم بعدالاختبارات و مع تجيهزات رمضان ؟
تكلمت قبل امس عن هذا الروتين و حبيت احطه هنا لأني استفدت منه وحابة الكل يستفيد ، قبل فترة قلت لكم أنو بشرتي فجأة سارت جافة جداً 💔 و من شدة الجفاف سار فيها قشور في الجبهة و شوية في الخد قريب من الاذن ، في البداية شلت هم التغيير المفاجئ و مرا تضايقت من القشور و كمان كان في حبوب صغيرة ففكرت أروح عند دكتورة بس هنا صعبة شوية مو زي عندنا مراح اكمل لاني ما حوقف و حيسير البوست طويل 😊 😂 قلت اهم شي احتاج الترطيب لأنو البشرة جافة و معاه سويت لي روتين عناية الي راح اقولكم عنه دحين .
الاشتراك في:
الرسائل (Atom)
