ريڤيو الغسول العلاجي اليومي سوبر كلينس من جلامجلو|Reviewthesupercleansedaily treatment cleanser from Glamglow
الثلاثاء، أبريل 05، 2016
السلام عليكم و رحمة الله
مساء / صباح الخير
لو تلاحظوا اخر تدويناتي حاطة صورة كاتبة فيها جملة ( love you all lola ) ، حبيت اني احط طريقتها للي حاب يسويها في مد،نته .
أول شي تصممي الصورة في الفوتوشوب أو برنامج بيكسلر هنا هو برنامج شبيه بالفوتشوب بس انه اون لاين و فيه بس الاساسيات .
الخميس، مارس 24، 2016
السلام عليكم و رحمة الله و بركاته ..
مساء \ صباح الجمال
اليوم مرا متحمسة للتدوينة 😍 لانو من زمان نفسي اعمل كولاب مع مدونات و لمى اقترحت المدونة مسك الفكرة على طول وافقت
الكولاب عبارة عن تحدي مكياج كامل للوك يومي صباحي أو مسائي بقيمة ما تتعدى ال ٣٠٠ ريال و الهدف من التحدي نثبت انو في منتجات رخيصة و جودتها ممتازة زيها زي المنتجات الغالية ...حيكون كل يوم بنت او بنتين ينزلوا بوست الين يوم الاربعاء ...
السبت، مارس 12، 2016
صباح / مساء التألق
من زمان ما نزلت مشتريات اخر مرا قبل ٥ شهور او اكثر ، يوم الخميس كنت طفشانةجلست ارتب أغراضي و لقيت فاتورة اخر مشتريات ماك و جات في بالي فكرة البوست لأني أعاني من دا الشي الي هو أسعار المنتجات بالذات منتجات ماك عجزت الاقي احد حاط اسعارها المهم نبدأ ...
الأربعاء، مارس 09، 2016
الاثنين، مارس 07، 2016
السلام عليكم و رحمة الله و بركاته
اليوم ٦/٣ كملت المدونة سنة كاملة لها 😍 و لله الحمد كان نفسي انزل بوست عن شي و اكتب في نهايته انو المدونة كملت سنة بس الظروف ما خلتني اكتب 💔 فقررت اكتب بوست خاص لدا الشي المهم صراحة اول ما قررت أسوي مدونة كنت حاطة في بالي انو ما حيكون في جمهور سواء قراء او متابعين لأنو فكرة مدونتي في زيها كثير و معروفة من زمان و انا سويت مدونة في فترة الكل عنده بس كان عندي تفاءل بسيط انو ممكن القو جمهور اذا كان عندي شي مميز و سار هدفي في المدونة اني احاول أكون غير المدونات الي نفس مجال مدونتي و احاول اكتب مواضيع ماحد كتبها صراحة صعبة شوي اكتب عن شي ماحد كتب عنه ههههههههه بس الأهم منه طريقة طرحي للموضوع و تجربتي و بمناسبة سنة ع المدونة حقول ان شاء الله ارجع للتدوين يشكل دوري ما حطول اكثر من شهر او شهرين بدون ما انزل شي عندي مواضيع كثير ان شاء الله راح تنزل قريباً و صح نسيت اقولكم الحمدلله صراحة أبداً ما توقعت يكون عدد قراء مدونتي كذا ❤️مرا شكراً لكل وحدة .
الثلاثاء، فبراير 16، 2016
و بعده خيار ( نسخ احتياطي / استعادة ).
الأحد، يناير 03، 2016
الخميس، ديسمبر 31، 2015
مساء \ صباح الاجواء الجميلة
في اخر ساعات و دقائق عام 2015 راح اكتب عن انجازت و اهداف حققتها او خليني اقول اشياء سويتها و حبيتها في عام 2015 لانو احسها انسب لانو الاشياء الي حكتبها اغلبها سطحية , عام 2015 يعني لي الكثير و سارت فيه احداث مفرحة كثير بالنسبة لي ❤ و إن شاء الله انتو كمان زيي ❤ فحبيت اكتب عنه هنا كارشيف ارجع له بعد سنين الله يطول بأعمارنا يارب ❤ .
الأربعاء، ديسمبر 23، 2015
صباح \ مساءالتنظيم
الاربع شهور الاخيرة سرت مهوسة بمنظم المهام أو الأجندة (planner) و خرابيطه و الاستيكرز حقه و كيف اسويها من الحماس ههههههه 😂 و قررت انو اسوي البلانر حقي بنفسي لأنو الطريقة مرا سهلة و ممتعة للناس الفاضية زيي بس للأسف قراري جاء في وقت غلط 💔 لانو زي ما تعرفوا الفتره دي مرا مشغولة ما حقدر اسويه سو قررت اشتري واحد و اشتريته في البلاك فرايدي ( كنت حكتب عن البلانر اول يوم في يناير بس شوفت كثير يتكلمون عنه و فكرت انو الناس حتشتري قبل لا تبدأ السنة مو لمى تبدأ عشان كذا قدمت الموضوع 😂 ما عليكم من فهاوتي ) .
الاثنين، نوفمبر 23، 2015
السلام عليكم و رحمة الله و بركاته
يا مساء / صباح الخير
من أول ما سويت مدونة الين اليوم و أنا أحاول قد ما أقدر أطور في مدونتي و طريقة تدويني بالنسبة للمدونة لمى اكتب في قوقل اي شي يخص المدونة للأسف ما يطلع اذا كتبت بالعربي لازم بالانجليزي لانو مافي مدونات عربية أو منتديات تشرح دا الشي ممكن بس الاقي كيف اسوي مدونة فقط لاغير للأسف في أشياء كثير ما تتوفر بالعربي مدري هل هو بخل أو طمع ما يبغو احد يستفيد او مافيهم او ايش مدري ما حطول في النقطة دي اكثر من كذا لاني اذا تحلطمت ما حسكت هههههههههه فقررت اني ابدأ سلسلة تدوين عن المدونة يعني امممممم مثلاً كيف احط قالب مجاني و اعدل في الي ابغاه أو كيف اسوي التقسيمات حق الصفحات الي تجي في فوق توهقت في اسمها هههههههههههه أو كيف أحط ايقونات برامج التواصل الإجتماعي و أشياء كثير و كل ما تعلمت شي جديد و ضبط معاي ان شاء الله راح اقولكم عنه ❤ ، صراحة مدري ايش اسمي هالسلسلة بس شكلو تدوين يعني اذا كان اسم بطال مشو حالكم اهم شي الفايدة هههههههههه صح ولا أنا غلطانة ؟ ❤ .
الاشتراك في:
الرسائل (Atom)
